"Eleketa" ahozko oroimenari buruzko erakusketa Hazparnen estreinatuko da

2020-07-06  ¦  "Eleketa" programa

Gure ahozko oroimenen altxorrak agerian eman nahi dituen erakusketa ibiltari eta multimedia berria Hazparneko Pierre Espil mediatekan aurkeztuko du lehen aldiz Euskal kultur erakundeak 2020ko irailaren 25etik azaroaren 7ra. Eleketa du izena eta 2007an abiatu izen bereko memoriaren bilketa programan oinarritzen da. Hazparnen, herrian berean baita inguruko herrietan bildutako lekukotasun zatiak baloratuko ditu, beste artxibo eta bideo-sorkuntzen laguntzaz.

Eleketa

© Christian Jougleux

Euskal kultur erakundeak proiektu handi bat hasi du 2007an: ipar Euskal Herriko bizizaleen ahozko memoriaren bilketa. Programa hau, gaur egun Eleketa izenarekin ezagutua dena, Pirinio-Atlantikoetako departamenduaren obragintza pean egiten da, urtero hogeita hamar bat lekukotasun bilduz.

Lekukotasun filmatu bakotxa numerizaturik, zatikaturik eta deskribaturik da (zatiaren edukia, lekukoaren biografia, elgarrizketaren baldintzak), Baionako departamentuko artxibategian artxibatua eta publikoari komunikatua izateko gisan.

Euskal kultur erakundeak Eleketa fondoaren aberastasuna ezagutarazi nahi du.
Eleketa erakusketa multimedia xede honekin sortua izan da: lurralde bakoitzean bildu lekukotasunak lurraldera itzul diten eta jendeak goza ditzan.

2020ko irailaren 25etik azaroaren 7ra, Pierre Espil mediatekan, Hazparneko lurraldeko 68 bat lekukoek (Aiherra, Bastida, Beskoitze, Donoztiri, Hazparne, Heleta, Izturitze, Lekorne, Lekuine, Makea) beren bizipenak eta oroimenak aipatuko dizkigute, 200 bideo-pasarte, irudi, objektu eta artxiboko erreportaien bidez.

Aipatutako gaiak: zapatagintzaren industria, mugimendu soziokulturalak, politika eta erlijioa, bizimoduak, baserri mundua, hezkuntza, erritualak etab.

Eleketa erakusketak Iparraldeko beste lurraldeetan ibili behar luke ondoko hilabeteetan, betiere tokian tokiko testuinguruari egokituz, han eta hemen bildu lekukotasunak baloratuz. 2020ko azaroaren 13tik abenduaren 13ra Donibane Lohizunen erakutsia izanen da adibidez.

Xehetasunak

CodeSyntax-ek garatua. Softwarea: Django.