Marie-Pierre Armagnague 1962ko azaroaren 28an sortu zen Donapaleuko klinikan. Bi neskako familia bateko ahizparik zaharrena da.
Ttikidanik laborantza gustukoa izanik, laborantza alorreko Baxoa ukan zuen 1977an.
Bere aita lagundu zuen 1989a arte eta handik goiti, 28 hektareko familiako etxaldearen segida hartu zuen.
Denbora berean, Lur Berrin aritu zen lanean hazi-artoaren kontrolatzaile bezala. Hor, laborantza intentsiboaren logika deskubritu zuen, ikusi zuen lurrari zenbat kalte egiten zion eta nolako eragina zuen laborantza munduan. Orduan ohartu zen beste modu batez lan egitea eta ahal bezain autonomoa izatea beharrezkoa zela.
2002an, mozteko gela ireki zuten Mauleko hiltegian; horri esker, haragitarako ardi eta behi salmenta zuzena egin ahal izan zuen.
2009an, karguak ordaintzeko zailtasunak ukanik, AFOG elkartearen gana zuzendu zen eta etxalde ttikiak kudeatzen zituzten emazteak biltzen zituen “Etxalde ttikiak” xiberotar egituraren sortzean parte hartu zuen.
Horrez gain, mahats mota bat lantzen du ere. Irulegiko sotoak arno bilakarazten duen ekoizpen horrek ez dio irabazirik ematen, saltzeko baino plazerrarendako ari baita.
Marie-Pierre-k bi haur baditu (mutikoa eta neska). Elkarrizketatu dugun egunean, ez batak ez besteak ez zuten segida hartzeko asmorik.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 413 | 413 - Marie-Pierre Armagnague | 2022-11-23 | 0:55:20 | Ainharbe | Dominika "Titika" Recalt | |
| 2 | abk-3 | Eleketa emankizuna #2: Xiberoako ekonomia, atzo, egun eta bihar | 2023-10-13 | 1:08:10 | Maule-Lextarre | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Marie-Pierre Armagnague-n sortetxea Ainharben | 0:01:34 | |
| 2 | Lur Berri kooperatiban langile izan ondotik, agro-industriatik urruntzea | 0:08:43 | |
| 3 | Tokiko etxaldearen eredua: salmenta zuzena Zuberoan | 0:08:05 | |
| 4 | Autonomia helburutzat daukan etxaldea | 0:09:25 | |
| 5 | Laborari militantea eta sindikalista | 0:06:05 | |
| 6 | Emazteen lekua laborantzan | 0:05:24 | |
| 7 | Erretretaren atarian, ezinago suharra den laboraria | 0:03:53 |
Pasarte muntaketak
| # | Izenburua | Iraupena | |
|---|---|---|---|
| 1 | Agro-industriatik urrundu nahian | 0:05:11 | |
| 2 | Laborantza autonomo bat | 0:05:58 | |
| 3 | Emazte eta laborari | 0:14:57 |