Artxibo-funtsak

"Maurice Abeberry omendua" elkartearen artxiboak

1991n sortua izan zen « Hommage à Maurice Abeberry / Maurice Abeberry Omendua » elkartea, Frantses pilotaren federazioak, pilotaren ligak, BAC & Oldarra Biarritzeko taldeek, Baionako abokat taldeak eta Euskal kultur erakundeak lagundurik.

Agustin Mendizabal funtsa

Agustin Mendizabal (Oiartzun, 1967) musikologoaren funtsa.

Aldudarrak Bideo

Aldudarrak Bideo Baxenabarren kokatua den euskarazko ikus-entzunezkoen ekoizteko kooperatiba da.

Aldudarrak elkartearen funtsa

1945an sortua, Aldudarrak elkarteak euskal kultura sustatzen du hainbat aktibitate proposatuz. Elizak Euskal Herriko herri frangotan bezala bultzatu patronajeak gaurregun kultur elkarte gisa ezaguna da. Partaidetzak garatuz Aldudeko elkarte eragile animatzaileak ekitaldi ezberdinak antolatzen ditu (antzerki, kantaldi, bertsu-saio, mintzaldi).

Alex Artzelus Mujika funtsa

Alexander Artzelus Muxika ikerlariaren funtsa.

Beñat Achiary funtsa

Funts hau osatzen dute Beña Achiary kantariak bildu soinu-grabaketek.

Donibane Lohizuneko herriko etxeko artxiboak

Donibane Lohizuneko herriko etxeak hiriaren XX. mendeko historia bildu nahian herritarren lekukotasun batzuk bildu ditu, Euskal kultur erakundearen laguntzarekin.

Eugenio Arozena funtsa

Eugenio Arozena Oiartzuarra (Eusko Jaurlaritzako Antzerki sailaren lehengo zuzendaria) aspaldian hasia da Ipar Euskal Herrian antzerkiaren inguruko dokumentuak grabatzen eta digitalizatzen. Hark dauka, gaur egun, altxorrik osatuena (oharra: Oiartzungo Udalak Eugenio Arozenaren antzerki bilduma Euskaltzaindiari dohaintzan eman dio 2015ean).

Euskal Herriko Ahotsak - Ahotsak.eus

Debagoieneko Badihardugu elkarteak Euskal Herriko ahozko ondarea eta herri hizkerak katalogatzeko eta hedatzeko daraman programa.

Euskal kultur erakundeko artxiboak

Euskal kultur erakundeak ekoiztu ikus-entzunezko baliabideak, eta ondorioz haren jabegoan sartzen direnak.

Euskokultur fundazioa

Euskokultur fundazio pribatuak Nafarroako eta orohar Euskal Herriko jendarteko ohiturak, tradizioak eta bizitzaren lekukotasunak ahoz zein beste euskarritan adierazitakoak biltzeko xedea du.

Guillaume Irigoyen funtsa

Guillaume Irigoyenen 1990-1992 urte arteko soinu artxibo funtsan, elkarrizketak, kultura ekitaldien grabaketak, antzerki, bertsu-saio eta kantaldiak aurki daitezke, eta Jean-Paul Barthe Ainhoarrak Kalifornian bildu dituen Euskaldunen lekukotasunak. 

Gure irratia

1981ean sortu zen Gure Irratia euskarazko irratia Uztaritzen kokatua da gaur egun. Euskal irratiak federazioaren kide da.

Hubert Catalogne funtsa

Hubert Catalogne (1957-2014) bunuztarraren grabaketak.

Institut National de l'Audiovisuel (INA)

Frantziako Ikus-entzunezkoen Erakunde Nazionala (INA) industria eta merkataritza izaerako erakunde publikoa da, ikus-entzunezko produkzioak artxibatzeaz arduratzen da.

Irulegiko irratia

Irulegiko Irratia euskarazko irratia da, 1982an sortua, Baxenabarren, elkarte modura kudeaturik. Irulegiko Irratiaren artxibo fondoa, Euskal kultur erakundeak katalogatu zuen 2009ko otsail-martxoan, Pirinio Atlantikoetako Departamentuaren obragintzapean. 1976 eta 2002 urteen bitarteko artxiboak gordetzen ditu.

Itsasuko herriko etxeko artxiboak

Itsasuko herriko etxeak herriaren XX. mendeko historia bildu nahian herritarren lekukotasun batzuk bildu ditu Xabier Itçainaren bitartez, Euskal kultur erakundearen eta Aldudarrak Bideoren laguntzarekin.

Jaione Cordoba Indaburu funtsa

Jean-Michel Guilcher funtsa

Jean-Michel Guilcher etnologoa (1914-2017) dantza tradizionalen ikerketan ezinbesteko ikertzailea izan zen, bai Frantzia mailan bai eta Euskal Herrian ere. Alabaina, ikerketa-lanaren zati handi bat euskal dantza tradizionalari eskaini zion. Hala nola, 1962 eta 1976 urteen artean, Hélène emaztearekin, Lapurdin, Nafarroa Beherean, Xiberoan, Biarnoan eta Baztanen ibili ziren.
Ikerketa horien karietara bildu film, eskuidatz eta soinu-grabaketek osatzen dute ere Guilcher funtsa. Frantziako zonbait Departamenduko artxibotegietan sakabanatuak daude.

Jean-Pierre Lapouble funtsa

Jean-Pierre Lapouble (1946-....) Arberatzen sortua, Sallespisse-n (Biarnoa) bizi da. Euskal kultur erakundeak daraman Ipar Euskal Herriko ahozko memoria kolektiboaren bilketaren kari, filmatua izan da 2009ko urtarrilaren 23an. J.-P. Lapouble-n lekukotasuna ikusgai dago Mintzoak.eus atari honetan Pirineo Atlantikoetako artxiboetako Amikuztarrak mintzo (2009) bilduman.

Koldo Zuazo funtsa

Koldo Zuazo irakaslearen grabazio-bilduma. Zuazo irakasle da Euskal Herriko Unibertsitatean, Euskal Filologian.

Lapurdi irratia

Lapurdi Irratia Eliza katolikoaren irratia da Euskal Herrian. Emankizunak hedatzen hasi zen 1992an.
Gaur egun bere estudioak Baionako Prébendés karrikako 3.an kokatuak dira. 1988an sortua izan zen "Elizaren aldeko irratia Euskal Herrian" elkarteak kudeatzen du, Baionako elizbarrutiak sustengaturik.

Lierni Elortzaren funtsa

Lierni Elortzak, Azkainen bizi den segurarrak, Azkaingo eta inguruetako ahozko ondarea biltzeko beharra ikusirik, hainbat grabaketa egin zituen 2020-2021ean. Grabazioak landu zituen, bildutakoa denen eskura jartzeko gisan.

Mikel Erramouspé funtsa

Mikel Erramouspé herri memoriaren biltzeari gaztetik interesatu da, bereziki 1980 hamarkadatik goiti irratigintzan eta bideogintzan inplikatuz, eta hainbat proiektuetan, izan Aldudeko ibarran, Aldudarrak elkartean, ala irakasle ibilbidean edota asmo pertsonaletan.

Mucem

Europako eta Mediterraneoko Zibilizazioen Museoa (Mucem) Marseillan kokatua den museo nazionala da. Lehenagoko Arte eta tradizio herrikoien museo nazionalaren bildumak bereganatu ditu.

Ospitalea, Departamenduko ondare heziketa zentroa

Oxtikenekoak elkartearen funtsak

Senpereko Oxtikenekoak elkarteak grabatu euskal kantuak.

Phonogrammarchiv (Austria)

Austriako Zientzien Akademia Inperialaren Artxibo Fonografikoa.

Pirinio Atlantikoetako artxiboak

2009. urteaz geroz Pirinio Atlantikoetako departamenduak "Eleketa" ahozko memorioaren bilketa programa eramaten du. Departamenduko artxiboetan (Baionako eta Euskal Herriko poloa) gordea da bilketa horren emaitza.

Prusiako Komisio fonografikoaren artxiboak (Alemania)

Berlingo Etnologia Museoko Phonogramm-Archiv eta Humboldt Unibertsitateko Lautarchiv fonoteketako artxibo historikoetan dauden lehen Mundu gerlako euskal presoen grabaketak (1916-1917).

Radiokultura

Radiokultura.eus web-irratiak 2005. urtetik hona tokian-tokiko lekukoekin grabatu elkarrizketek soinu-artxibo aberatsa osatzen dute.

Raphaël Parejo-Coudert funtsa

Ipar Euskal Herrian Raphaël Parejo-Coudert etnomusikologoak 1999 eta 2001 artean Senperen (Lapurdi) euskal kantu tradizionalaz egin grabaketak. 

Sarako herriko etxeko artxiboak

Thierry Truffaut funtsa

Thierry Truffaut (1957, Baiona, Lapurdi) antropologoa da, animatzailea, eta batez ere ihauterizale amorratua. Dentsitate handiko lanen autore, Lapurdiko ihauterien XX. mendeko biziberritzean parte hartu du eta berantago ikertu. Karia hortara hainbat bideo ekoiztu ditu. 
Gehienak sarean emanak izan dira Euskal kultur erakundearen atarian.

Ttipi-Ttapa Fundazioa - Erran.eus

Erran.eus Nafarroako mendialdeko agerkari digitala da, 2015ean sortua, Ttipi-Ttapa aldizkariaren eta Xorroxin Irratiaren eskutik eta Ttipi-Ttapa Fundazioak kudeatzen duena.
Ttipi-Ttapa telebistako artxiboak (1998-2009) gordetzen ditu ere Fundazioak.

Xipri Arbelbide funtsa

Hamasei urtez (1982-1998) Gure Irratian izeneko euskarazko irratian ari izan zen lanean Xipri Arbelbide. Karia hortara hainbat elkarrizketa burutu zituen eta emankizun frango zuzendu.