Euskal dantza eta kantua Jatxuko Lurdes Euzko Aur-Etxean
Arantza Goikoetxeak, Karmele eta Maria Rosa Lopategik, aterpetuak zirenak Jatsuko Lurdes Euzko Aur-Etxean, ikasi zuten dantza andereñoekin, hots Koro eta Maritxu Barriola, bai eta Urkiola ahizpekin. Eresoinkako mutilekin joaten ziren dantzatzera, Haltsura, Kanbora, Azkainera, Donibane Lohizunera, Senperera, Donibane Garazira, Sarara... Frontoietan dantzatzen zuten. Euskal dantza guziak, Hegoaldekoak zirenak, ikasi zituzten: sagar dantza, ezpata dantza, Eguberri dantza... Eguberriz, dantza batzuk egiten zituzten abesti batzuekin. Mutikoek ezpata dantza, makil dantza, mutil dantza, zahagi dantza, mikeleten dantza egiten zuten, hau mikeletez jantzita. Kantuak ere ematen zituzten, hiru bozetan.
Lekukoa(k): Karmele Lopategi, Maria Rosa Lopategi, Arantza Goikoetxea
Herria: Jatsu
Artxibo-funtsa(k): Pirinio Atlantikoetako artxiboak
Bilduma: Euskal dantza
Elkarrizketatzailea(k): Terexa Lekumberri
Data: 2013-09-28
Iraupena: 0:04:04
Erreferentzia: 199-12
Baionako eta Ipar Euskal Herriko artxibotegiko kodea: 19 AV 971
Kanpo lotura: http://earchives.le64.fr/ead.html?id=FRAD064_IR0643&c=FRAD064_IR0643_de-973
Gaia(k): Dantza, Kantua eta musika
Eskubideak eta erabilpen baldintzak
© Pirinio Atlantikoetako Departamenduko artxiboak
Egile eskubide guziak erreserbatuak. Lekukotasun osoa Euskal kultur erakundeko egoitzan ikus daiteke, Uztaritzen (hitzordua hartuz, 0(33)5 59 93 38 70 telefonora deituz edo mezu bat idatziz kontsulta@eke.eus helbidera), baita ere Baionako eta Paueko Departamendu Artxibotegietako irakurgeletan, hor ere hitzordua hartuz (gehiago jakiteko: earchives.le64.fr).
Karmele Lopategi
Karmele eta Maria Rosa Lopategi bizkaitarrak dira, 1928an eta 1924an sortuak, Muxikan (Gernikatik hurbil) laborari familia batean. Gernikako eta inguruetako bonbardamenduaren ondotik, ihesi, familia Mungiara joan zen, gero Deriora, Barrakaldora eta azkenik Bilbora. Handik, Lopategi hiru ahizpek, Arantzak bezala, Habana itsasontzia hartu zuten, La Rochelle-raino, gero autobusa Jatsuraino, non, diotenaz, denbora goxoa iragan baitzuten eta hezkuntza ona ukan. Bi urte berantago Bizkaira itzultzeak, haientzat, ez du Arantza Goikoetxearentzat bezain gogorra iduri (ikus bere lekukotasuna): ongi etorri beroa ingurumen triste eta suntsituan. Karmelek dio bere lagunekin luzaz eta ardura aipatu dituztela Jatsuko Lurdes Eusko Aur-Etxean iragan bi urteetako oroitzapenak, hau baitzen Espainiako Gerla Zibileko haur errefuxiatuak hartzen eta uda lekuak antolatzen zituen etxearen izena.
Maria Rosa Lopategi
Karmele eta Maria Rosa Lopategi bizkaitarrak dira, 1928an eta 1924an sortuak, Muxikan (Gernikatik hurbil) laborari familia batean. Gernikako eta inguruetako bonbardamenduaren ondotik, ihesi, familia Mungiara joan zen, gero Deriora, Barrakaldora eta azkenik Bilbora. Handik, Lopategi hiru ahizpek, Arantzak bezala, Habana itsasontzia hartu zuten, La Rochelle-raino, gero autobusa Jatsuraino, non, diotenaz, denbora goxoa iragan baitzuten eta hezkuntza ona ukan. Bi urte berantago Bizkaira itzultzeak, haientzat, ez du Arantza Goikoetxearentzat bezain gogorra iduri (ikus bere lekukotasuna): ongi etorri beroa ingurumen triste eta suntsituan. Karmelek dio bere lagunekin luzaz eta ardura aipatu dituztela Jatsuko Lurdes Eusko Aur-Etxean iragan bi urteetako oroitzapenak, hau baitzen Espainiako Gerla Zibileko haur errefuxiatuak hartzen eta uda lekuak antolatzen zituen etxearen izena.
Arantza Goikoetxea
Arantza Goikoetxea 1928an sortua da, Zeanurin (Bizkaia), zortzi haurreko familia batean. Gerla zibilaren denboran, haren aita Bilboko Larrinaga presondegian sartu zuten, heriotzara kondenatu, eta gero kargugabetu. Gernikako bonbardamenduaren ondotik familiak Miraballesera ihes egin zuen, ondotik Arrigorriagara eta azkenik Arrankudiagara. Handik, Arantza, bere bi anai-arrebekin eta lehengusuarekin (Gontzal Mendibil kantariaren aita), Santurtzira joan zen, handik, itsasoz, La Rochelle-raino eta handik, Lapurdiko Jatsura. Bi urte berantago, Bizkaira itzuli zen, amarekin bizitzera. Ama penaturik bizi zen, hiru haur gehiagori bizibidea ezin segurtatuz.
