Fantxoa Dascon

François Fantxoa Dascon 1941eko irailean sortu zen Altzabehetiko Behetia izeneko etxean (Xiberoko Altzai-Altzabeheti-Zunharreta herria). Lau haurrideko familia bateko gazteena da. Lehenik Altzaiko eskolan ibili zen, ondotik kolegio eta lizeo desberdinetan (1947-1960) eta gero Angers-eko Laborantza Goi Eskolan (ESA) 1961etik 1966a arte.

Port-au-Prince-ko (Haïti) agronomia fakultatean erakasle bezala iragan duen bi urteetako kooperazio garaiak biziki esperientzia pertsonal aberasgarria ekarrio dio (1966-1968).

Ondotik, Agronomia ikerketaren erakunde nazionalean (INRA) sartu eta Algeriara (Alger ondoko Baba Ali-Birtouta ikerketa zentrora) igorria izan zen zooteknia alorreko ikerketen egiteko.  

Profesional mailan atseginez betea izanik ere, sorterrira itzultzeko gogoa zuenez, bi urteren buruan dimisioa aurkeztu zuen. 

Etxarriko baserri inguruneko formakuntzarako elkartean (AFMR) pasatu 15 urteetan (1971-1985), bere gaitasunak Xiberoaren garapenaren zerbitzuko ezarri ahal izan zituen. 

Ondotik, Paueko eta Aturri herrialdeetako unibertsitateko (UPPA) geografia-antolaketa sailean klaseak eman zituen (1985-1989) eta gero Okzitaniako Tolosako Agronomia Formakuntzaren Eskola Nazionalean (1989-2009).

Lanerako etxetik urrundurik ere, etengabe Xiberoaren garapenaren alde aritu da (Idauze-Mendiko auzapez 1989tik 2008ra).

1973an ezkondu zen eta lau haurren aita da.