Ipar Euskal Herriko ahozko memoriaren ataria
Donibane Lohizuneko herri-memoriaren lekuko
2018-08-24 ¦ "Eleketa" programa
Donibane Lohizuneko herriko etxeak bilketa bat sustatu zuen 2012an hiriaren memoria atxikitzeko, hainbat arlo aztertuz: eskulangintza, bizi ekonomikoa, soziokulturala eta kirola adibidez. Lekukotasun guziak Mintzoak plataforman ikusgai dira orain, herriaren eta Euskal kultur erakundearen arteko partaidetza bati esker.
Donibane Lohizuneko portua (argazkia: EKE)
Xan Airek eta Terexa Lekumberrik kudeatutako 15 elkarrizketez osatua da bilketa hori. Gehien-gehienak euskaraz eramanak izan dira.
Bilduma horretan daude:
- 16 lekuko
- 15 grabaketa (20 oren inguru)
- 399 pasarte (lekukotasun zati)
Datu-base osoaren sareratzeaz Mathilde Baqué, Paueko eta Aturrialdeko Unibertsitateko ikaslea arduratu da, bere Master 2 "Ondarea eta Museoak" praktika ikastaldia EKE-n egiten zuen bitartean.
Gehiago jakin
CodeSyntax-ek garatua. Softwarea: Django.