Aitatxiren ehorzketak
Jean-Pierre Lapoublek ikusi duen lehen hila bere aitatxi izan da, 7-8 urte zituelarik. Ez zuen beldurrik izan. Oroitzen da bizpahiru astez, Aittatta hil aitzin, bere arrebarekin goiz guziz joaiten zela haren ondora otoitz egiteko. Hil delarik, gau beila egin zuten auzoek hilotzaren inguruan. Ehorzketa egunean, hila kutxan ezarririk, joan ziren etxetik elizara, oinez, otoitz eginez. Ez baitzuten hilobirik, etxeko nagusiak erran zuen etxetiar ohiena erabiltzea. Etxeratekoan, etxe aitzinean, su bat piztu zuten. Ondotik, kolazionea eskaini eta, otoitz batekin bururatu zen.
Lekukoa(k): Jean-Pierre Lapouble
Herria: Arberatze-Zilhekoa
Artxibo-funtsa(k): Pirinio Atlantikoetako artxiboak
Bilduma: Amikuztarrak mintzo (2009)
Elkarrizketatzailea(k): Terexa Lekumberri
Data: 2009-01-23
Iraupena: 0:08:11
Erreferentzia: 30-13
Baionako eta Ipar Euskal Herriko artxibotegiko kodea: 12AV311
Gaia(k): Elkartasuna, Auzokoen arteko harremana, Ehorzketak
Eskubideak eta erabilpen baldintzak
© Pirinio Atlantikoetako Departamenduko artxiboak
Egile eskubide guziak erreserbatuak. Lekukotasun osoa Euskal kultur erakundeko egoitzan ikus daiteke (hitzordua hartuz). Baionako eta Paueko Departamendu Artxibotegietako irakurgeletan kontsultagarri izanen da ere egun batez.
Jean-Pierre Lapouble
Jean-Pierre Lapouble Arberatze Aitzirian sortua da, etxetiar familia batean, 1946eko irailaren 13an. Beste hiru haurride baditu. Herriko eskolan eskolatua izan da, bost urtetik hamahiru urte arte. Gero, apezteko gogoarekin, Mauleko kolegioan ibilia da (sei urtez), Uztaritzeko seminario ttipian eta Akizen. Bainan apez izaiteko xedea utzi zuen, ospitaletako langile bilakatzeko. Ondotik, Sallespisseko biarnes batekin ezkondu zen eta emaztearen herrian bizi da. Bi alaba dituzte. Auzapez egon ondoan, herriko kontseiluan segitzen du gaur egun.
