Xipri Arbelbide irrati-funtsa

Xipri Arbelbide idazle eta kazetariak 2020an EKEren esku utzi zuen bere soinu funtsaren kopia digitala eta datxizkion inbentarioa eta deskribapen fitxak. 1382 oreneko funtsa Euskaltzaindiak digitalizatu zuen. Gehienak, Xipri Arbelbidek 1974 eta 1998 artean egin euskarazko irratsaioen grabaketak dira. Arlo sozioekonomiko eta kulturaleko eragileei egin elkarrizketek corpusari balio handia ematen diote. Lekukotasun aipagarrienen artean, Lehen Mundu Gerlako bi gudari ohienak, baita Bigarren Mundu Gerlako preso, iheslari eta mugalarienak ere.