Uharte-Garazin sortua 1923ko maiatzaren 9an, Albert Chabagnok Bordeleko fakultatean zuzenbide ikasketak egin ondoan Uruguaira airatu da 1947an, aitatxiren hatzetarik ibiltzeko asmoarekin.
Aitatxi hara joana zitzaion 1859an, Euskal Herrira itzulia 1879an eta Aldude Esnasu Xotroineko alabarekin ezkondua. Laboraria eta emigrazio-agentea izana zen, bai eta ere Aldudeko auzapeza eta Baigorriko baleako sindikataburua (bere ondotik semea eta seme ttipia izanen diren bezala).
Albert Uruguaitar emazte batekin ezkondu da eta 18 urtez aitatxik muntatu etxaldean lan egin du. Euskal Herrira itzuli da 1965ean eta Angelun kokatu.
Euskal emigrazioaz, Aldudeko historiaz eta genealogiaz interesaturik, hainbat artikulu idatziko ditu, besteak beste Ekaina aldizkarian.
Albert Chabagno Angelun zendua da 2004an.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | MER-001 | "Sur les pas du maréchal Harispe", Harispe marexalaren urratsetan | 1989-07-14 | 0:43:27 | Aldude | Mikel Erramouspé | |
| 2 | EKE-14 | Hizketan Albert Chabagnorekin | 2003-11-09 | 0:02:59 | Uharte Garazi | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Muga eta Kintoa | 0:11:54 | |
| 2 | Adrien Gachiteguy-ri elkarrizketa | 0:18:44 | |
| 3 | "Euskaldunen Argentina" erakusketa (2003): Albert Chabagnoren lekukotasuna | 0:02:59 |
Pasarte muntaketak
| # | Izenburua | Iraupena | |
|---|---|---|---|
| 1 | "Euskaldunen Argentina" erakusketan ikusgai ziren lekukotasunak (2003) | 0:13:32 |