Julien Barneix 1950eko azaroaren 9an sortu zen Larraineko Karrikabürüa izeneko etxean. XVII. mendearen erditsutik goiti, Karrikabürüa ostatu ttiki bat izan da. Julienek anaia bat badu. Bere aita mugalaria izan zen Bigarren Munduko Gerlaren garaian.
Julien lehenik herriko eskolan ibili zen. 1960 urteen hastapenean, 3 eskola baziren Larrainen: bat herrian berean 27 ikaslerekin, beste bat aroztegien auzoan 20rekin eta azken bat Andozeko ibarrean 14rekin. 2021ean, 17 ikasle baizik ez ziren gelditzen herrian.
1964an, Julien Mauleko kolegioan sartu zen eta 17 urte arte han egon zen. Ondotik, herrira itzuli zen familiako ostatua berriz hartzeko eta hartan bizitzeko.
Xiberoan tradizio handia duen uso ihizia 1939-1945 gerlaren ondotik garatu zen. 1960 hamarkadaren hastapenean, lehen dirulaguntzak Europatik etorri ziren. Xiberoko Sindikatak bideak urratu zituen, baina ez ziren herriko laborariei zuzenduak. Ihizi lepoetara iristeko bideak ziren. Eskala handiko ihiziaren hastapena zen. Bordeleko, Landesetako burgesak etortzen hasi ziren hegazti tiroan aritzera. Julienek sos pixka bat irabazten zuen hildako usoak bilduz. Ihiziaren fenomenoak herria zatitu zuen. Ihiztariek bordak eta etxeak erosi zituzten. Denetan, 80 dira jabez aldatu zirenak. 1986an, 80 laborari baziren Larrainen; 2021ean, hogei bat baizik ez ziren gelditzen.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | MB-208 | Zuberoko lege zaharrak | 1982-06-19 | 0:21:48 | Larraine | Maite Barnetche | |
| 2 | 390 | 390 - Julien Barneix | 2021-04-29 | 1:31:20 | Larraine | Dominika "Titika" Recalt |
Pasarteak
| # | Izenburua | Iraupena | |
|---|---|---|---|
| 1 | Larraineko Karrikabürüa ostatua, Julien Barneix-en sortetxea | 0:04:17 | |
| 2 | Larraine, isilpeko pasabidea Munduko Bigarren gerla denboran | 0:16:30 | |
| 3 | Albadakak Larrainen | 0:06:13 | |
| 4 | Larrainen, euskal mitologia, leiendak eta toponimia | 0:12:19 | |
| 5 | Artzainen meza Larrainen eta San Josep kaperako prozesioa | 0:04:25 | |
| 6 | Uso ihizia Basabürün eta Larrainen: gerla ondoko egoera eta 1960. hamarkadako garapena | 0:17:06 |
Pasarte muntaketak
| # | Izenburua | Iraupena | |
|---|---|---|---|
| 1 | Uso ihiziaren garapena eta ondorioak | 0:09:58 | |
| 2 | Karrikabürüa eta bizia Larrainen (XIX. mende bukaera, XX. mendean) | 0:04:03 | |
| 3 | Sineste giristinoak eta paganoak | 0:05:31 | |
| 4 | Larraine, isilpeko pasabidea bigarren gerla denboran | 0:14:01 |