Rosy Canardelle Arrambel

Urepelen sortua, baina Angelun bizi. Sorterritik Iruñera joan zen, bertako familia baten etxera, haur zaintzera, eta frantsesa irakastera. Bigarren Mundu Gerran, Parisen bizi zen, eta bere senarrarekin erresistentziako kideak, zein soldadu ingelesak gordetzen zituzten etxean. Norbaitek salaturik, Gestapoak preso hartu zituen, baina hilabete batzuk Fresnes presondegian atxiki ondoan, askatu. Urepelera itzuli ziren orduan, eta handik Auritzera (Nafarroa) pasatu. Bertatik Madrilera, eta Ingalaterrara, hegazkinez.