Anne-Marie Curutchet

Anne-Marie Elicetche (ezkon-ondoko deitura Curutchet) Makean sortu zen, Plazagaraia etxean, 1951ko urtarrilean.

Hiru haurreko familia bateko zaharrena zen. Luhusoko eskola publikoan (1957-1962) eta Marracq kolegio-lizeoan (1962-1971) ikasi zuen, non 1971ko ekainean batxilergoa bildu baitzuen.

1972ko otsailean, Essonne departamendura joan zen irakastera, lehenik irakasle ordezko gisa, eta, gero, 1976tik goiti, titular gisa.

Montgeron herrian zuen lanpostua. Orduan, Hezkunde Ministerioak ipar Euskal Herriko lehen eskola esperimental elebidun publikoko euskara irakaslea izatea proposatu zion. Anne-Mariek lanpostu berria onartu zuen eta 1983ko apirilaren 18an lanean hasi zen Sarako ama eskolako ikasleekin (aitzinetikako esperientzia, 1983ko irailean lehen urteko klase elebidun bat ireki baino lehen).

Sarako eskola utzi zuen 19 urte berantago, 2002an, bere sorterritik hurbiltzeko. Irakasle ibilbidea Heleta (2002-2005) eta Luhusoko (2005-2006) eskoletan bururatu zuen.