Grazi Etchebehere 1951n sortu zen Ortzaizeko Ibarnia izeneko etxean (Ahaize auzoan). Jean-Baptiste Etchebehere eta Maider Goicoechearen alaba da. Lau neskako familia bateko zaharrena da eta samurtasunez beteriko haurtzaroa ukan du sortetxe xumean.
Grazi herriko eskola pribatuan ibili zen (1955-1965) zertifikata lortu arte eta ondotik, Donapaleuko Errecart lizeoan (1965-1969). 1970etik 1972ra, erizain izateko ikasketak egin zituen Bordelen. Ondoren, hiru urtez aritu zen Baionako ospitalean (1972-1975) eta gero Ortzaizen 40 urtez erizain liberal bezala (1975-2015).
Erroak atxikitzeko beharraz jabeturik, 1970 urteetan euskal mugimendu kultural eta politikoan engaiatu zen. Bere engaiamendu politikoarengatik sei hilabetez Fleury-Mérogis-en kartzelaratua izan zen 1992an. Baserrialdean ukan esperientzia profesionala eta bere engaiamendu abertzalea direla eta, bere ikuspegia ematen digu bizitzeko eta pentsatzeko maneran aldatzen ikusi duen Euskal Herri barnekaldeaz.
2023ko agorrilean zendu da.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 282 | 282 - Grazi Etchebehere | 2016-10-20 | 1:48:53 | Ortzaize | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Grazi Etchebehere: Amaren aldeko familia | 0:01:47 | |
| 2 | Jendartearen aldaketak 1970tik landa | 0:05:55 | |
| 3 | Baigorriko balearen irazartze kulturala eta ekonomikoa | 0:04:35 |
Pasarte muntaketak
| # | Izenburua | Iraupena | |
|---|---|---|---|
| 1 | Ortzaiztarrak mintzo | 1:01:12 |