Peio Etchemendy 1950eko urtarrilaren 13an sortu zen, Suhuskuneko Haitzpea etxean (jatetxea eta autobus garraioa). Bost haurrideko familia bateko zaharrena da.
11 urte arte Suhuskuneko eskola publikoan ibili zen. 1961etik 1968ra, Uztaritzeko Seminario Ttipian ibili zen. Han lehena arte egon zen, eta ondotik, bi urte terminal egin zituen Baionako Villa Pia lizeoan (1968-1970).
Handik landa, Akizeko Seminario Handira joan zen (1970-1972), soldadugoa
Nancy-n eta Akizen egin aitzin (1972ko irailetik 1973ko irailera).
Peio Etchemendy, Donibane Lohizuneko ATCRB enpresako autobus gidari izan zen bi urtez, eta 1975eko irailean, berriz ere Baionako Seminario Handira itzuli zen urte batendako.
Seminarioa 1976ko ekainean behin betiko utzi zuen eta 1979ko abendura arte Kanboko Miral autobus konpainian lan egin zuen (nazioarteko lineak).
Une horretan, GTPn (Pirinioetako garraio taldean) sartu zen Tarnosen, eta 1980ko maiatzean Baionako hiriguneko garraio publikoen elkartean (STAB). Hor 32 urtez egon zen, 2012ko apirila arte.
Peio Etchemendy Fresnes-ko presondegian egon zen 2000ko irailetik 2001eko urtarrilera, bere Baionako etxean iheslari politikoak aterpetu zituelako.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 269 | 269 - Peio Etchemendy | 2016-04-14 | 1:16:15 | Suhuskune | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Peio Etchemendy : aurkezpena | 0:01:29 |