Felix Ithurbide

Felix Ithurbide Ahatsan sortu zen Silbaineta etxean, 1933an, zazpi haurride ziren. Bere aitatxi amatxiek erosi zuten etxea, Hego Euskal Herritik etorrita. Bere aitatxi arotza zen, eta bere aita ere. Ahatsan eta Maulen eskola segituta, aitaren aprendiz gisa arozgo lana ikasi du Felixek. 1960tik goiti enpresaren segida hartu du. Hasieran, batez ere abereen ferratzeko eta laborantzako tresnen arrimatzeko ari zen lanean. Denborarekin, zinka, sarrailak, barandak eta hainbat gauza lantzen ikasi ditu. 1968an Simone Luro-rekin ezkondu zen eta lau mutiko izan dituzte.