Pierre-Arnaud Idieder 1957an sortu zen Irisarriko Agerria izeneko etxean. Laborari familia batean handitu zen, bere anaia zaharrenaz eta arreba gazteenaz inguraturik. Herriko eskola pribatuan ibili zen (1962-1968) eta ondotik (1968-1973) Baigorriko Bil Etxea kolegioan (oraingo Donostei kolegioa), hor BEPC agiria eskuratu zuelarik. Gero, laborantza ikasketak segitu zituen Donibane Garaziko Frantsesenea lizeoan (1973-1976) eta familiako etxaldean plantatu zen.
1970 urteetatik goiti, Pierre-Arnaud bere herriko kultura, ekonomia eta sozial bizian engaiatu zen: antzerki jardueraren berriz abiatzea (euskarazko 8 antzezlan emanak 1976tik 1985era), gai emaile bertso saioetan, parte hartze aktiboa laborantza eta sindikatu borroketan (Baiguramendi gasna kooperatibaren sortzea 1975ean, higiezin operazio baten (1975) eta laborari batzuen kanporatzeen (1978 eta 1982) kontrako ihardokitzeak), Irulegiko Irratiaren tokiko berriketaria 1982an sortu zenetik eta 30 urtez. Beste anitzek bezala, 1970-1980 urteetako kontestu politiko orokor biziki zalapartatsua ezagutu du (borroka armatua ipar Euskal Herrian), bai eta ordurarte sekula ikusi ez zen kultura, ekonomia eta sozial garapena ere. Bere oroitzapenetatik batzuk ematen dizkigu hemen.
Pierre-Arnaud Idieder 2020ko urrian zendu zen, 63 urtetan.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 298 | 298 - Pierre-Arnaud Idieder | 2017-10-09 | 1:16:51 | Irisarri | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Antzerkia Irisarrin (1960-1980) | 0:06:24 |
Pasarte muntaketak
| # | Izenburua | Iraupena | |
|---|---|---|---|
| 1 | Irisartarrak mintzo | 0:40:11 |