Herrian Damatit deitzen duten Jean-Baptiste Dartaguiette, 1928ko uztailan sortua da Aiherra auzotegiko Etxegaraia etxean. Lekuineko eliztar eta Aiherrako herritar gisa aurkezten du bere burua. Alabaina, auzotegia bi herrien arteko mugan izanik, Etxegaraia etxeko familiako hilobia Lekuinen kokatua da.
Auzotegiko beste haur batzuen gisara, Lekuineko eskola publikoan hasi da ikasten Jean-Baptiste (1934-1939). Hazparneko San Josepe kolegio pribatura igorri dute ondotik burasoek (1939-1943) lehen mailako zertifikata han pasa dezan.
1943an, 15 urtetan, Jean-Baptiste, seme bakarra izanik, betirako itzuli da familiako etxaldera aita laguntzeko. 1943tik 1956ra (ezkontza urtea), laborantza lanen eta garai hartako gazte baten aktibitateen artean (Laborari Gazte Katolikoko bilkura eta elkartzeak (JAC), Lekuineko eta auzo herrietako bestak, euskal dantzak, mus eta pilota partidak etab.) partekatzen du denbora.
1953an, Aiherrako herriko kontseiluan sartzen da, aulkia 1983 urtea arte atxikitzeko, orohar 30 urte eta bost kargualdi bete ondoren.
JAC-en ezagutzen duen Madeleine Etcharrenekin ezkontzen da 1956an. Hiru seme sortzen zaizkie eta hauetariko batek etxaldearen segida hartuko du.
1984an alargundurik, Jean-Baptistek haur denborako oroitzapen batzuk bai eta herriko kontseilari gisa ezagutu bizipenak partekatzen ditu gurekin.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 362 | 362 - Jean-Baptiste (Damatit) Dartaguiette | 2019-11-26 | 0:00:00 | Kanbo | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Damatit Dartaguiette-n aurkezpena eta Hergaitze auzoa | 0:04:28 | |
| 2 | Izturitzeko zahar-etxea | 0:10:06 |
Pasarte muntaketak
| # | Izenburua | Iraupena | |
|---|---|---|---|
| 1 | Hergaitze auzoa | 0:01:40 | |
| 2 | Izturitzeko xahar-etxea | 0:02:36 |