Jean Thicoipe

Jean Thicoipe 1954an sortu zen Amendüzeko Mantenunia etxean. 7 haurrideko familia batean hazi zen, bera bigarrena zelarik.

Lehenik herriko eskola publikoan ibili zen (1959-1965), ondotik Etchecopar ikastegian (1965-1967 : 6. eta 5.ean), Garicoïts-Enia-n (1967-1968) eta Donapaleuko Jean Errecart-en ere (1968-1969).
Hazparneko San-Josep lizeoan elektromekanika alorreko ikasketa profesionalen BEP agiria lortu eta (1969-1971), elektroteknika alorreko F3 baxoa erdietsi zuen Aire-sur-Adour-eko lizeo publikoan (1971-1973), bai eta elektrika ingeniaritza alorreko DUT agiria ere Talence hirian ere(1973-1975).

Soldadugoaren ondotik, SCOP COPELEC konpainian enplegatua izan zen 1977ko otsailean linea muntatzaile gisa eta han, poliki-poliki, elektronika tailer bat sortu zuen. 1984an, COPELEC-ek tailer hura utzi eta SCOP COPECTRONIC konpainia sortu zen. Jean haren buru egon zen 2015eko abendura arte.

Enpresaburu bezala ardurak ukanik ere, Euskal Herriko ekonomia bizian engaiatua izan da (Herrikoaren lehendakari 1990etik 2000.era), kooperatiba mugimenduan (parte hartze aktiboa industriaren SCOP konpainietako federazioan), ahantzi gabe Beskoitzeko ziengotzia izan dela ere (1989-2008).