Gehienetan “Etchandyber” bezala ezagutua den Dominique Laxagueborde 1936ko agorrilaren 5ean sortu zen Mendikotan. Etchandya etxeko (aldi berean jatetxea eta familiako etxalde ttikia) seme bakarra zen. Herriko eskolan ibili zen 11 urte arte, eta gero Mauleko kolegio pribatuan 5 urtez. Ondotik, familiakoak lagundu zituen baserriko lanetan. 17 urtetan, Mauleko espartin lantegian sartu zen soldadugora joan arte. Orduan, egunero 7 kilometro egiten zituen bizikletan.
Gaztetik dantza ikasi zuen, lehenik Mendikotan eta gero Atharratzen “Hôtel du Fronton” hoteleko Elgoyenekin (Elgoyen eskola). Hor, Etxahun-Iruriren semea zen Allandu Bordaçarreren ezagutza egin zuen. Elkarrekin, Pierre Bordaçarre Etxahun-Irurik (1908-1979) idatzi kantuak kantatzen hasi ziren. Beren kantari ibilbideak 1966a arte iraun zuen. Dantzaren eta kantuaren amodioaz gain, bi gizonek bizipen anitz partekatu zituzten: soldadugoa Bordelen, Algeriako gerla (1956-1959), lantegiko esperientzia…
Dominiquek eman kantu batekin bukatzen den elkarrizketak erakusten du Etxahun-Iruri ezagutzeko pribilegioa ukan duen kantuzale handia dela oraino ere.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 74 | 74 - Dominique Laxagueborde | 2010-02-25 | 1:15:05 | Mendikota | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Dominique Laxagueborde-n aurkezpena | 0:00:39 | |
| 2 | Parisky-ren kautxu lantegia1959-1963 artean | 0:02:31 | |
| 3 | Mendikotako laborariaren lehen trakturra 1959an | 0:02:12 | |
| 4 | Dominique Laxagueborde, laborari eta esneketari | 0:01:25 | |
| 5 | Buhameak Dominiquen ostatuko bezeroak | 0:02:01 | |
| 6 | Mendikotako Buhameak | 0:01:28 | |
| 7 | Buhameen mintzaira | 0:00:49 |
Pasarte muntaketak
| # | Izenburua | Iraupena | |
|---|---|---|---|
| 1 | Laborantza naban Zuberoan | 0:03:27 |