Ipar Euskal Herriko ahozko memoriaren ataria

Arnaud Bordaçarre "Allandu"

Sorturtea: 1936

Afiliazio herria: Iruri

Arnaud edo Allandu Bordaçarre 1936ko apirilaren 25ean sortua da, Irurin, Etxahunea etxaldean, bere aitak, Pierre Bordaçarre Etxahun-Iruri laborari olerkari autodidaktak famatu bilakatu zuen etxean. Hamabi urte arte, herriko eskolan ikasi eta, Allanduk nahitaezko eskolako azken bi urteak Atharratzen egin zituen, auzo herrietako gazte batzuekin batean, bereziki Aloze-Ziboze-Onizegainekoak eta Liginaga-Astüekoak. Han, bearnes irakasle batek, Darrière jaunak, dantzaren lehen irakaspenak eman zizkion. Nahiz eta eskolan euskararen erabiltzea debekatua izan, ikasleek euskal kantua ikasi zuten, bereziki Etxahun-Iruriren kantuak. Hamasei urteetan, Léon Salaber jaunaren errejent laguntzaile bilakatu zen, Abraham pastoralarentzat, eta berehala xiberotar dantzarentzat zaletasun handia piztu zitzaion. Batista Bürgübürü dantza-maisua ohartu zitzaion eta, 1952an, Atharratzeko Beñat Elgoyen irakaslearen dantza eskolan sartu zen. Denbora hartako dantzari, kantari eta musikari hoberenak ezagutu zituen. Dantzak xiberotarrei aukera ematen die hainbat aldiz aritzeko, bai Euskal Herrian, bai urrunago. Gisa hortan, Allandu eta Dominique Laxagueborde "Etchandyber" kantariek Etxahun-Iruriren kantuak bikotean ematen zituzten. Azken hau, kantagile, kantari, koblakari, bederatzi pastoralen egile eta antzerki mota horren berritzearen ikur, Xiberoan izan den pertsona ezagunenetarik da. Alde hortarik, Allanduk bere aitaz ematen duen lekukotasuna balio handikoa da. Jean-Michel Guilcher ikerlariak Xiberoan izan duen argibide iturrietarik izan da Allandu Bordaçarre. Kontalari oso ona da, bere esperientziak, ezagutzaz eta trukaketaz beterik, partekatzea gustuko duena. Bere lekukotasunaren bukaeran, xiberotar urrats eta puntuak erakusten ditu, bereziki gaur egun guti dantzatuak diren antrexatak, dantzaren laguntzeko musikan izan daitezkeen ñabarduren garrantzia azpimarratuz.

Grabaketak

# Erref. Izenburua Data Iraupena Grabaketa herria Elkarrizketatzaileak
1 MB-184 Etxahun Iruri : lehen partea 1981-03-21 0:14:59 Iruri Maite Barnetche
2 MB-185 Etxahun Iruri : bigarren partea 1981-04-04 0:15:13 Urdiñarbe Maite Barnetche
3 183 183 - Arnaud Bordaçarre 2013-05-16 2:05:47 Iruri Maddi Oihenart

Pasarteak

# Izenburua Iraupena
1 Allandu Bordaçarre: familiaren aurkezpena; ikasketak 0:03:12
2 Lehen irakaspenak Darrière Jauna biarnes irakaslearekin 0:02:57
3 Euskara eta euskal kantuak Iruriko eskolan 0:01:26
4 Elgoyhen dantza eskola: Allandu Bordaçarre-ren sartzea 1952an 0:03:18
5 Beñat Elgoyen eta bere ikasle ospetsuenak 0:03:56
6 Batista Bürgübürü irakaslea 0:02:07
7 Elgoyhen dantza eskola: hotel-ostatu-jatetxe bat 0:02:05
8 Euskal dantza, kantua eta pilota Irurin 0:00:39
9 Irakaskuntza Pettarrean eta Basabürüan: musika interpretazio ezberdinak 0:02:51
10 1940 urteetako musikariak 0:02:19
11 Primakak: Allandu lehian seigarren dantzari gisa 0:01:20
12 Zamaltzain formakuntza Martxe Eihartzet-ekin 0:04:38
13 Soldadutza 0:01:00
14 Ikusgarriak Xiberotik kanpo 0:04:55
15 Xiberotar kantua : bikotea Dominique Laxagueborde Etchandyber-ekin 0:12:24
16 Xiberutarren ikusgarriak Darrampenean Atharratze-Sorholüzen 0:05:40
17 Kantonamenduaren eskalan ; Bralia kate dantzaren kasua 0:04:14
18 Dantzetan izandako aldaketak 0:03:51
19 Primakak: lehiaketa izpiritua ; epaimahaiaren osaketa 0:03:05
20 Jacques Larrondo 0:03:04
21 Pierre Aguer Garat Arhane 0:01:30
22 Osaba dantzari ospetsu bat 0:00:44
23 Pierre Bordaçarre Etxahun-Iruri: talentu nasaiko pertsonaia 0:01:25
24 Léon Salaber 0:07:02
25 Gordekako dantzaldietako musikariak 1939-1945eko gerla denboran 0:01:30
26 Pierre Bordaçarre Etxahun-Iruri: pastoral idazlea 0:08:33
27 Pierre Bordaçarre Etxahun-Iruri: "Agur Xiberua" kantuaren sortzailea 0:05:36
28 Fama ona eta eskari anitz 0:02:51
29 Pierre Bordaçarre Etxahun-Iruri kantautore: Jean Arabarco, Mendikotako okinari kantu bat 0:07:53
30 ierre Bordaçarre Etxahun-Iruri koblakaria 0:05:02
31 Allandu Bordaçarre, irakasle 0:07:50
32 Dantza urratsen eta puntuen erakustea 0:06:15
CodeSyntax-ek garatua. Softwarea: Django.