Heletan sortu da Maite Dunat, Kurutxara etxean, 1943ko azaroaren 18an, bere familia 1947an plantatuko den Haranburua etxetik hurbil. Bost ahizpez osatu familia bateko bigarrena da.
Herriko eskola pribatuan ibiltzen da lehenik Maite (1948-1953), ondotik Mauleko Jeanne d’Arc kolegioan sartzeko (1953-1958) eta Donibane Lohizuneko Saint Thomas d’Aquin eta Baionako Largenté lizeoetan.
Zientzia Esperimental Baxoa 1961ean lortu eta bi urtez irakasle egonen da Maite Dunat Heletako lehen mailako eskola pribatuan, eta orduan erabakitzen du unibertsitateko ikasketak berriz hastea kolegio-lizeoetan lan egin ahal izateko. 1963tik 1968ra, Natura Zientzia irakaskuntza lizentzia pasatzen du Bordeleko Unibertsitatean, 1968ko sartzea Sauveterreko Notre-Dame kolegioan abiatzeko. 1969ko udaberritik landa, haren denbora osoa Sauveterre eta Donapaleuko Etxekopar kolegioa eta Errecart lizeoaren artean partekatzen du, 1970 hamarkada erditik goiti Donapaleun bakarrik segitzeko.
Gerla ondoko Euskal Herri baserritar eta giristinoa ongi ezagutu du Maitek. 1960 hamarkadatik 1990era, parte hartze handia ukan du euskal antzerki munduan ere.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 326 | 326 - Maite Dunat | 2018-08-30 | 1:41:33 | Heleta | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Maite Dunat : aurkezpena | 0:01:18 | |
| 2 | Familia pentsioa Heletan (1956-1963) | 0:01:17 | |
| 3 | Eskola pribatua eta publikoaren arteko lehia | 0:06:36 | |
| 4 | Besta Berriko oroitzapenak | 0:04:08 | |
| 5 | Antzerkiaren ohidura Heletan (1950-1960 ) | 0:04:23 | |
| 6 | Heletako antzerki taldearen ibilbidea (1968-1983) | 0:04:55 |
Pasarte muntaketak
| # | Izenburua | Iraupena | |
|---|---|---|---|
| 1 | Antzerkia Heletan | 0:09:48 | |
| 2 | Eskola pribatua eta publikoaren arteko lehia | 0:05:21 | |
| 3 | Besta Berriko oroitzapenak | 0:03:09 | |
| 4 | Antzerkiaren ohitura Heletan (1950-1960 ) | 0:03:02 |