André Pierry 1948ko abenduaren 1ean sortu zen Ezpeletako Martikotenea etxean, sei haurrideko familia batean. Haren aitatxi eta amatxiak, bai eta burasoak ere laborariak eta baratzezainak ziren. Aita, gainera, 42 urtez langile izan zen Carriat larru lantegian.
André izan zen etxaldearen segida hartu zuena. Laborantza ikasketak egin zituen (Hazparne, Belokeko monasterioa, Bergerie nationale de Rambouillet). Ardi hazkuntzako monitore diplomarekin, Landesetan lan egin zuen lehenik, eta gero, sorterrira itzulita, Baionako Mousserolles-eko galdategian hasi zen lanean 1971n. Han, 34 urtez (erretiroa 2004an hartu zuen) hainbat lanpostu bete zituen: granailatzaile eta isurketa-hausle (1971-1981), hondartzaile (1981-2002), birmoldeatzaile eta nukleo prestatzaile (2002-2004).
2002an, silikosia bildu ondoan, hondartzaile lanpostua utzi behar izan zuen. 1970eko otsailean ezkondu eta hiru haur ukan zituen.
Gaur egun, erretiroaz gozatzen du eta bere laborantzarako zaletasuna, seme laboraria lagunduz asetzen du.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 173 | 173 - André Pierry | 2013-02-07 | 1:04:05 | Ezpeleta | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Mousseroles-eko burdinola : nukleoen egitea | 0:02:36 | |
| 2 | 34 lan urteko bilana | 0:02:17 |