Jean-Pierre, Pierrot deitua, 1938ko abuztuaren 28an sortu zen Ahetzeko Kaskoinharria etxean. Hiru neska dituen lau haurrideko familia bateko hirugarrena da. Sei urtetik goiti, Getariako eskola publikoan ibili zen, 1952ko ekainaren 4an zertifikata lortu zuen arte. Ondotik 1952tik 1957ra, laborantza klaseak segitu zituen korrespondentziaz eta Ahetzeko erretoreak horretan lagundu zuen hiru negutan klaseak emanez. Pierrot-ek familiako etxaldea ez zuen utzi hogeita zortzi hilabete iraun zuen (1958ko irailetik 1961eko urtarrilera arte) soldadugoa egiteko baizik; hogeita zortzi hilabete horietatik hamabi Aljerian eman zituen. 1973an, jatorri bretoiarra duen Sylviane-rekin ezkondu zen. Elkarrekin bi alaba ukan dituzte 1974 eta 1977an. Pierrot-ek 1998an hartu zuen erretiroa laborari gisa.
