Fermina Péry-ren aita

1914-1918ko gerla garaian, Ziburuko Elissalt armadoreak ez zuen bere ontzietan aritzeko arrantzalerik aurkitzen. Hondarribira joan zen haien bila. Ferminaren aita bi anaiekin Ziburura etorri zen. Mariñel familiakoa, Hondarribiako portuan bizi ziren.

Ikatzarekin ibiltzen ziren orduko ontziak, lana bortitza zen. Gerla ondotik, Ferminaren aitak "Ur xoria" arrantza-ontzia eraiki zuen, sardina, antxoa eta atuna arrantzatzeko bere anaiekin. Gero "Ederki da" ontzian ibili zen Paul Pery-rekin (Ferminaren senarra).

Lekukoa(k): Fermina Péry

Herria: Ziburu

Artxibo-funtsa(k): Pirinio Atlantikoetako artxiboak

Bilduma: Euskal itsas ondarea

Elkarrizketatzailea(k): Terexa Lekumberri

Data: 2010-04-08

Iraupena: 0:02:49

Erreferentzia: 79-2

Baionako eta Ipar Euskal Herriko artxibotegiko kodea: 18AV330

Gaia(k): Lurrunontzia, Arrantzaleak


Eskubideak eta erabilpen baldintzak

© Pirinio Atlantikoetako Departamenduko artxiboak

Egile eskubide guziak erreserbatuak. Lekukotasun osoa Euskal kultur erakundeko egoitzan ikus daiteke (hitzordua hartuz). Baionako eta Paueko Departamendu Artxibotegietako irakurgeletan kontsultagarri izanen da ere egun batez. 

Fermina Péry

Fermina Pery, 1923ko azaroaren 22an, Ziburun sortua da, Récollets auzoan. Aita arrantzale zuen Hondarribian. Ziburuko Elissalt armadoreak ekarrarazi zuen 1914-1918ko gerla garaian haren ontzian makinista izaiteko. Ferminaren ama ere Hondarribiakoa zen, baserri mundukoa. Ferminaren gurasoek etxe bat eraiki zuten gero, beti Ziburun. Fermina eskolan ibili da Ziburun 12 urte arte, ondotik seroretan "ouvroir"ean ikasi du 16 urte arte. Sare konpontzen ari izan da ere. Paul Peryrekin ezkondu da 1942an. Lau haur ukan dituzte. 1939-1945ko gerla garaian, Paul Espainiara pasatu zen eta itzuli zen 1945an. "Ederki da" ontzia eraiki zuen 1954ean. Ontzi horrekin arrantzatu du erretiroa arte, eskifai berarekin (patroi armadorea zen). Fermina atun kontserbategian arizana da lanean bai eta ere menaia (garbiketa) egiten. Erretreta hartu du 60 urtetan. Albert seme gehienarekin etxe berean bizi dira gaur egun, elgarri datxizkion bi apartamendu bereizietan.

CodeSyntax-ek garatua. Softwarea: Django.