Arbonako Primadera dantza elkartearen historia

Jose Cazaubon hasi da dantzatzen Primadera dantza taldean. Betti Betelu-k 1974an sortu zuen taldeak herriko momentuetan parte hartzen zuen (kermezetan, ihauterietan…). Pixkanaka-pixkanaka, errepertorioa aberastua izan zen eta zazpi probintzietako dantzak ikasten zituzten. Dantzari batzuk Juan Antonio Urbeltz-en Zortziko ikusgarrian parte hartu zuten. “Claude Iruretagoyoena, Juan Antonio Urbeltz-en inguruko dinamika hartan, Primadera taldeak hartu zuen bigarren hats bat, gehiago ikusgarrietara itzuli zena.”

Hasieran, Jose-k dantza jokoak, jauziak eta makil ttiki ikasi zituen, bigarren urtean, Bizkaiko dantzak.  

Lekukoa(k): Jose Cazaubon

Herria: Arrangoitze

Artxibo-funtsa(k): Pirinio Atlantikoetako artxiboak

Bilduma: Euskal dantza

Elkarrizketatzailea(k): Terexa Lekumberri

Data: 2014-07-17

Iraupena: 0:05:42

Erreferentzia: 210-4

Baionako eta Ipar Euskal Herriko artxibotegiko kodea: 19 AV 1377

Kanpo lotura: http://earchives.le64.fr/ead.html?id=FRAD064_IR0643&c=FRAD064_IR0643_de-1379

Gaia(k): Dantza, Elkarte-giroa


Eskubideak eta erabilpen baldintzak

© Pirinio Atlantikoetako Departamenduko artxiboak

Egile eskubide guziak erreserbatuak. Lekukotasun osoa Euskal kultur erakundeko egoitzan ikus daiteke, Uztaritzen (hitzordua hartuz, 0(33)5 59 93 38 70 telefonora deituz edo mezu bat idatziz kontsulta@eke.eus helbidera), baita ere Baionako eta Paueko Departamendu Artxibotegietako irakurgeletan, hor ere hitzordua hartuz (gehiago jakiteko: earchives.le64.fr).

Jose Cazaubon

Jose Cazaubon, 1982ko maiatzean Baionan sortua, lehen bi urteetan Biarritzen bizi izan zen eta gero Arrangoitzen, bere aitaren sorterrian, anaia ttipia sortu eta. Seaskan ikasi zuen, Arrangoitzeko ikastolan, gero Kanboko Xalbador Ikastegian eta azkenik Baionako Bernat Etxepare lizeoan. Arrangoitzeko ikastolak, Betti Betelu dantza jauzien biziberritzailearen omentzeko, 1979tik goiti antolatu Mutxikoaren Egunean izan zuen dantzako lehen esperientzia. Nahi ala ez, 1994an, 12 urteetan kolegioan sartzean, Arbonako Primadera dantza taldean sartu zen eta azkenik Basusarriko Biez Bat taldean (1990eko hamarkadaren bukaera-lizeoko denboraren hastapena). Biez Bateko beste zortzi dantzari gazterekin, Zpeiz Banako taldea sortu zuten. Haien sorkuntza bakarrak mutikoen dantza bat berritzen zuen (banakoa). 2007an, Zpeiz Banakok Zpeiz Mukakiri lekua utzi zion. Mutiko taldeak, kilt arropa eta boneta jantzirik, gitarra elektrikoaren soinuan eta rock erritmoan, hamar bat dantza herrikoi berritzen zuen. Josek hainbat biratan parte hartu zuen, atzerrian ere (ikus 19 AV 1378). 2003tik goiti, Jose dantza irakasle izan zen, Iparraldeko Dantzarien Biltzarrean (2003-2006), eta gero dantza talde desberdinetan eta lehen mailako eskoletan. 2003az geroz ere, Claude Iruretagoyenaren Maritzuli konpainiaren sorkuntzetan (Ingura Mingura, Côté cour Côté Jardin, Kutx ala Pil) eta Christian Larralderen Anaigazteak konpainiaren sorkuntzetan (Bidean Zehar, Bodarin) parte hartu zuen. Kutx ala Pil sorkuntzak Benoît de la Vignerekin xiberotar dantzen ikasteko parada eman zion. 2009an, ikuskizunetako intermitente estatua hartu zuen eta Pantxika Telleriaren EliralE konpainian sartu zen. Gaur egun, koreografia lantzen du, bai eta ohiko dantza irakasten (dantza eskola desberdinetan).

CodeSyntax-ek garatua. Softwarea: Django.