Michel Aire

Sorturtea: 1944

Afiliazio herria: Urepele

Michel Aire 1944an sortu zen Urepeleko Xalbadorrenea izeneko etxean, bere aita Fernando Aire Xalbador bertsulari famatua eta bere ama Léonie Etxebarren zirelarik. Lau haurrideko familia bateko bigarrena da.

1958an 14 urterekin zertifikata ukan arte, herriko eskola publikoan ibilia da. Hortik aitzina, artzaingoan hasi zen eta neguan, Xalbadorreneko ardiak Nafarroa Behereko eta Zuberoko ordokietako bazkalekuetan atxiki ditu.

1969tik 1974ra, Kaliforniara abiatu zen, lehenik artzain bezala eta gero esnetegi batean lanean aritzeko.

Sorterrira itzulirik, berriz artzaingoan hasi zen eta hortan aritu zen 2004an erretiratu arte, bai eta ondotik ere, negu guziak (urri hondarretik maiatza erditsu arte) bazkalekuetan pasatuz. Lehenik familiaren Xalbadorrenean plantatu zen eta 1977an, Pokomotzenean, lurrik gabeko artzain bezala. 1976an Marie-Michèle Béthart-ekin ezkondu eta hiru alaba ukan zituzten. Michel Aire ttikitatik kantu giroan eta bereziki bere aitak hain errazki ematen zituen bertsu giroan hazia izan da. Bere lehen bertsua 1967 urte inguruan eman zuen, arrebaren komunioaren karietara. Orduz geroztik, 2010a arte segitu du (Estatu Batuetako egonaldian izan ezik).

Mixel Xalbador edo Xalbador II izenarekin, bertsu saio anitzetan parte hartu du, hala nola hiru aldiz irabazi duen Nafarroako Txapelketan (1980an Lesakan, 1985ean Leitzan eta 1988an Iruñean) eta Xilabaren lehen edizioan (Xiberoko, Lapurdiko eta Nafarroa Behereko bertsulari xapelketa), 2010ean iragan dena. Oraino ere ari da, tarteka. Bere hiru alabek ere kanturako gustu bera dute.

Grabaketak

# Erref. Izenburua Data Iraupena Grabaketa herria Elkarrizketatzaileak
1 MB-102 Xalbador 1977-03-19 0:32:39 Urepele Maite Barnetche
2 MB-103 « Odolaren mintzoa », Xalbadorren obra 1977-04-02 0:16:59 Urepele Maite Barnetche
3 MB-168 Euskal besta 1980-04-04 0:55:45 Baiona Maite Barnetche
4 MB-183 Pertsularien xokoa 1981-03-07 0:15:02 Urepele Maite Barnetche
5 MB-205 Xanpuni omenaldia: lehen partea 1982-05-08 0:14:31 Urepele Maite Barnetche
6 MB-206 Xanpuni omenaldia : 2. partea 1982-05-29 0:15:16 Urruña Maite Barnetche
7 MB-258 Koblariak Xuberon 1984-09-15 0:15:12 Maule-Lextarre Maite Barnetche
8 MB-297 Bertsulariak Saran 1986-06-01 0:17:22 Sara Maite Barnetche
9 249 249 - Michel Aire 2015-11-13 1:47:20 Urepele Terexa Lekumberri

Pasarteak

CodeSyntax-ek garatua. Softwarea: Django.