Arnaud (Arño) Cachenaut

Irisarrin, Baigura auzotegiko Ezkerdaitzia etxean sortua da Arño Cachenaut 1947an eta hiru haurrideko zaharrena da.

6 urtetan, auzotegiko eskola publikoan sartzen da lehen mailako zertifikata 14 urtetan (1961) lortzeko. Ondotik, aldizkako laborari formakuntza segitzen du Donapaleuko Garicoïts-Enia eskolan (1961-1964) eta Laborantzako Gaitasun Brebeta han kausitzen.

Etxaldean lan egiten hasten da eta, 1968tik goiti, Laborari Gazte Giristinoa egituraren baitan inplikatzen da bere lehen militante esperientziak bizitzeko (Roquefort esnetegi baten sortzea Iholdin 1970ean, mobilizazioa 1971n lehen ardi gasna krisiaren karietara).

Hortik goiti laborari borroka askotan engaiatzen: Ardikunde Sindikatuen Federazioko (FSO) hauteskundeak 1973, 1976 eta 1979an (honen presidente izanen da 1976tik 1982ra), Ossau-Iraty Sormarkaren sortzea 1981ean, ELB sindikatuarena 1982an, Euskal Herriko Laborantza Ekoizleen elkartearena 1989an, Euskal Herriko Laborantxa Ganbararena 2005ean etab.

1974an, Arño eta Xalbat haren anaiak Bastidako Gaztelua etxaldea erosten dute (Pessarou auzotegian) eta izen bereko GAEC-a sortzen, haien arreba familiako etxaldean plantatzen delarik.

1975ean ezkondu eta 1976 eta 1978an sortu bi alabaren aita bilakatzen da Arño. Etxaldean 1977tik aitzina plantatu Alice haren emazteak 2009an erretreta hartuz geroztik Ahurtin erosi etxean bizi da bikotea.