Benoît Tauzin

Sorturtea: 1990

Afiliazio herria: Gamere-Zihiga

Benoit Tauzin 1990eko otsailaren 9an sortu zen Zihigako Gamere auzoan (64 470). Bera baino zaharragoa den anaia bat badu. Bere aita gidaria da eta bere ama haurtzaina Alozeko ikastolan. Benoit-ek animaliak betidanik gustukoak ukan ditu. Haurra zelarik jadanik, bere osaba bat laguntzen zuen etxaldeko lanetan.

Lehenik Zalgizen eta gero Atharratzen eskolan ibili ondoan, hargin izateko lanbide ikasketen brebeta (BEP) ukan zuen Cantau lizeoan (2014) eta hargintzan aritu zen 2016a arte.

Ondotik, laborantzari buruz zuzendu zen Izurako CFPPA zentroan egin formakuntza baten bidez, bertan Zalgizeko etxalde bat berriz hartzeko parada aipatu zitzaiolarik.

Hiru hilabetez “Arretakua” etxolan artzain egon ondoan, 20 hektareko etxaldean plantatu zen (horietako 5 bazkalekuak). Euskal/Biarnes arrazako 200 buruko artalde bat osatu zuen, maiatzetik irailera mendian egoten dena. Hiru laborari, horien artean Benoît, aldizkatzen dira “Arretakua” etxolan eta artzain bat enplegatzen dute belarra pikatzeko garaian. Benoît-k beharrezkoa duen bazkaren %80a ekoizten du eta gaineratekoarentzat luzerna erosten du. Ardi esnea saltzen du. 

Laborari gazte honek lotura egiten du Xiberoaren hustearen eta etxegintzako espekulazioaren artean. Beldur da herriak nagusiki bigarren egoitzez edota kanpotik etorri erretretatuz osatuak izanen direla etorkizunean.

Grabaketak

# Erref. Izenburua Data Iraupena Grabaketa herria Elkarrizketatzaileak
1 416 416 - Benoît Tauzin 2023-01-06 0:46:23 Gamere-Zihiga Dominika "Titika" Recalt

Pasarteak

CodeSyntax-ek garatua. Softwarea: Django.