Michel Berhocoirigoin

Sorturtea: 1952

Heriotze urtea: 2021

Afiliazio herria: Gamarte

Michel Berhocoirigoin 1952an sortu zen Gamarteko Uhartia deituriko etxean. Hiru haurrideko familia bateko zaharrena da.

Lehenik herriko eskola publikoan ibili zen zertifikata arte (1957-1966), ondotik Donibane Garaziko Mayorga kolegioan (1966-1967 : BEPC brebeta eskuratu zuen) eta gero Hazparneko laborantza lizeoan (1967-1968 : laborantza irakaskuntzaren agiria ukan zuen). Ondotik, laborantzako teknikariaren agiria (BTA) ukan zuen postazko ikastaldi baten bidez (1968-1970) eta familiako etxaldean plantatu zen 1974an.

1976an ezkondu zen. Hiru haur ukan ditu: Iñaki (1979), Leire (1982, zendua) eta Jenofa (1985). 1978an, Mikele bere emaztea berekin plantatu zen espos lagun kolaboratzaile gisa. Etxaldean laguntza handia ekarri dio, hala nola 1980-1990 urteetan.

Alabaina, Euskal Herrian “Euskaldun Gazteria” deitu Gazteri laborari katolikoan formatua izanik (JAC), Michel biziki goizik sartu zen borroka sindikalistan, lehenik FNSEA laborarien sindikatan eta gero Euskal Laborarien Batasunean (ELB), hots beste batzuekin 1982an sortu duen laborantza herrikoiaren aldeko sindikatan.

Tokiko militantea izateaz gain, Michel Berhocoirigoinek ardurak ukan ditu CNSTP laborarien sindikaten konfederazioan (batzorde nazionaleko kide izan da 1983tik 1987ra). Funtsean, ELB konfederazio horretan sartu zen. Ondotik, Confédération Paysanne konfederazioan sartu zen. Konfederazio hau 1987an sortu zen, CNSTP konfederazioaren eta FNSP laborarien sindikaten federazioaren arteko bateratzearen ondotik (batzorde nazionaleko kide izan da 1987tik 1992ra eta idazkari orokorra 1989tik 1992ra). Orduan, sindikatak laborari ordezkari bat enplegatu zuen Uhartian aritzeko. 

Bestalde, Michel-ek parte hartu du ere 2005ean Ainhize-Monjolosen finkatu Euskal Herriko Laborantxa Ganbararen sortzeko borroka luzean eta horren lehendakaria izan da 2015ean erretiratu den arte.

2014ko azaroaz geroz, Michel eta Mikele zurezko egiturez berriz antolatu duten Uhartiako lehengo borda batean bizi dira. Familiako etxaldea semeari eta bere familiari utzi diote.

2021ko maiatzaren 8an zendua da 68 urteetan.

Grabaketak

# Erref. Izenburua Data Iraupena Grabaketa herria Elkarrizketatzaileak
1 MB-27 Euskal laborari gazteak 1973-01-22 0:13:36 Gamarte Maite Barnetche
2 MB-65 Turismoa eta laborantxa 1975-03-15 0:16:36 Donibane Garazi Maite Barnetche
3 MB-117 Matalas, Piarres Larzabal-en antzerki lana 1977-11-05 0:15:36 Gamarte Maite Barnetche
4 MB-174 "Egarriak" antzerkia 1980-09-20 0:14:55 Donibane Garazi Maite Barnetche
5 MB-214 Aita Larzabal (1. zatia - Frantsesezko azpitituluekin) 1982-11-20 0:15:10 Ziburu Maite Barnetche
6 338 338 - Michel Berhocoirigoin 2018-11-13 2:06:17 Gamarte Terexa Lekumberri

Pasarteak

# Izenburua Iraupena
1 Gamarte Uhartia etxaldean sortua 0:00:46
CodeSyntax-ek garatua. Softwarea: Django.