Jean Chibau 1946ko uztailaren 3an Biarritzen sortu eta bertan hazi zen. Gero, Baionara joan zen bizitzera, eta ondoren Biarritzera itzuli zen, familiako etxean bizitzeko.
Alabaina, auto mekanika alorrean egin formakuntzari eta bi urteko esperientziari esker, 1969an Baionako Marines etorbideko Worms ikatz enpresan sartu zen. Hamar urte berantago, handik kanporatua izan zen. Urte batez aldian aldiko portu zamaketari lanetan aritu ondoan, zamaketari profesional bilakatu eta 2006ra arte lan horretan aritu zen.
Zamaketarien mundua biziki sindikalizatua zen eta Jean-ek izpiritu kolektiboa zuenez, gorputz eta arima ezarri zituen lanbidearen interesak defendatzeko, bereziki lanbidearen estatusaren pribatizazioa ekarri zuen 1992ko erreforma garaian. 1994an, 54 eguneko gose greba egin zuen aldian aldiko zamaketarien integrazioa eskatzeko. Gose greba haren porrotak ez zuen bere helburu nagusitik behin ere aldendu: zamaketarien estatusa babestea.
Baionako portuan pasatu zituen 37 urteetan, Jean-ek Aturri bazterreko beste hainbat lanbide eta enpresetan ere lan egin zuen.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 158 | 158 - Jean Chibau | 2012-09-06 | 0:59:13 | Biarritz | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Portu-azpiegituretako enpresak 1960-1970eko urteetan | 0:01:13 | |
| 2 | Noizbehinkako zamaketarien aitortzeko gose greba (1994) | 0:06:55 |