-
|
- Euskara
Henri Aldax
1930 / 2023
Afiliazio herria:
Ortzaize
Henri Aldax 1930eko uztailaren 2an sortu zen Lekunberriko Urrutia izeneko etxean (Janitz auzoan). Bi haurreko familiako gazteena da.
Herriko eskola publikoan ibilia da (1936-1944) zertifikata ukan arte. Ondotik, familiaren etxaldean lanean aritu da 1958an Isidorarekin ezkondu arte.
Bere gaztaroan bi gertakari garrantzitsu izan dira halere: ongi gogoan duen Munduko Bigarren Gerla eta Algeriako Oran hirian 1950eko urritik 1952ko martxora egin zuen soldadogoa.
1958an, Henrik Lekunberri utzi zuen, Isidoraren sortetxea den Ortzaizeko Etxaarian finkatzeko. Urtez-urte hobekuntzak ekarri ditu, hala nola ondoan etxe berri bat eraikiz zeinetan egon diren 1960tik goiti, edo 7 hektare larre pentze bilakaraziz. Bestalde, bere estokari esker, zurgintza lan franko egin ahal izan ditu eta hortarik, laborantzak ekartzen duenaz gain, beste diru sartze bat lortu du. Isidorak eta Henrik lau haur ukan dituzte: Michel (1959-1973), Anne-Marie (1960), Françoise (1963) eta Pierre (1970), gaur egun etxaldea kudeatzen duena (ardi esnea bestelakotuz).
Marie-Jeanne, Isidoraren ahizpa mutxurdina, lau urte zaharragoa dena, beti etxean egon da, dendari bezala.
2023ko agorrilean zendu zen.
Grabaketak
Lekukoari egin zaizkion grabaketa zerrenda.
Oharra: grabaketa bat media oso bat da, indekzaziorik gabekoa.
| # | Erref. | Izenburua | Data | Iraupena | Elkarrizketatzaileak | |
|---|---|---|---|---|---|---|
| 1 | 352 | 352 - Henri Aldax | 2019 | 1:19:26 | Terexa Lekumberri | |
| 2 | abk-2 | Eleketa emankizuna #1: emigrazioa | 2022 | 1:18:34 | Terexa Lekumberri |
Ikur hauek agertzen dira grabaketak osoki ikusgai/entzungai direlarik atari honetan.
Ikur hau agertzen da hitzordua hartu behar denean grabaketa ikusteko gure kontsultagunean.
Pasarteak
Batzutan grabaketa bat zatikatzen da, osoki edo partez. Zati horiek pasarteak dira.
Hemen daude lekukoaren grabaketetan oinarrituz sortu diren pasarteak.
| # | Izenburua | Iraupena | |
|---|---|---|---|
| 1 | Henri Aldax: aurkezpena | 0:02:57 | |
| 2 | Bigarren Mundu gerla Lekunberrin: libre (1940-1942) eta gero okupatua (1942-1945) | 0:05:49 | |
| 3 | Bigarren Mundu gerla Lekunberrin: konfiskazioak | 0:04:05 |
Ikur hauek agertzen dira grabaketak osoki ikusgai/entzungai direlarik atari honetan.
Ikur hau agertzen da hitzordua hartu behar denean grabaketa ikusteko gure kontsultagunean.
Ikur hau agertzen da azpitituluak eskuragarri daudenean.
Ikur hau agertzen da transkripzio bat eskuragarri denean.
Pasarte muntaketak
Pasarte baten edo batzuen zatiekin osatu muntaketa bat da pasarte muntaketa. Hemen daude lekukoaren pasarteetan oinarrituz sortu diren pasarte muntaketak.
| # | Izenburua | Iraupena | |
|---|---|---|---|
| 1 | Demarkazio lerroa | 0:09:41 | |
| 2 | Lekunberri, libre zelarik (1940-1942) | 0:03:12 | |
| 3 | Lekunberri, okupatua zelarik (1942-1945) | 0:05:40 | |
| 4 | Ortzaiztarrak mintzo | 1:01:12 |
