Xabier Itçaina

1971 ( Itsasu )

Xabier Itçaina (Itzaina ere idazten da), 1971ko agorrilaren 29an Itsasun sortua, lau haurreko familia bateko zaharrena da (hiru mutiko eta neska bat). Haren burasoak (Michel, Aldudarra eta Cathy Malharin, Donapaleuko Gibraltar auzoaldekoa), Itsasun plantatu ziren, 1969an. Biak Kanbon ari izan ziren lanean. Michel herriko etxeko idazkaria zen eta Cathy errientsa.

Xabier Kanbon ibili zen eskolan, kolegioetako brebeta (BEPC) ukan arte. Gero, Baionako Villa Pia lizeoan ikasi zuen, baxoa iragan arte. Xabier euskal arteak, hala nola bertsolaritza, kantua eta dantza, gustuko duen familia batean hazi zen. Amaren aldeko amatxi Janamari Malharinen eragina bereziki aipatzekoa da.

1977an, Itsasuarrak herriko dantza taldean sartu zen. Talde hori izen bereko parrokiako elkarteko partaidea zen. 1989-1990 inguruan, taldeak Ataitze izena hartu zuen eta aitzinekoen tutoretzatik libratu zen.

Zaharkiturik gelditu ziren ohitura dantzatuak berriz piztu zituen (Inauterietako etxe kurrida, 1988an, kabalkada, 1992an, 1994an, 1997an, 2001ean, 2007an eta 2012an). Karia horretara Xabier Itçaina eta bere lagunak dantza molde tradizionalen bila joan ziren, lehengo dantzarien lekukotasunak baliatuz.

Ikerketaren eremuan segitu zuen, asialdietan, bai eta goi ikasketen karietara, Bordeleko Ikasketa Politikoetako Institutuan. 2000n doktoregoa iragan zuen eta 2007an publikatu: Les virtuoses de l’identité. Religion et politique en Pays Basque, Rennes, Presses Universitaires de Rennes, coll. Sciences des religions, 2007.

Gaur egun, Xabier Itçaina ikerketa karguduna da, Ikerketa Zientifikoko Zentro Nazionalean (CNRS). Ondoko alorretan berezitua da: erlijioa eta politika, nortasunak eta politika, ekonomia soziala eta solidarioa. Ohitura dantzatuen eremuan ere aditu gisa ezagutua da.

Grabaketak

# Erref. Izenburua Data Iraupena Herria Elkarrizketatzaileak
1 MB-197 Bost urte jada 1981-12-19 0:16:38 Urepele Maite Barnetche
2 227 227 - Xabier Itçaina 2015-01-22 1:22:01 Itsasu Terexa Lekumberri

Pasarteak

# Izenburua Iraupena
1 Familia aurkezpena ; Janamari Malharin 0:03:57
2 Dantzari, musikari eta ikerlari 0:12:12
3 Dantza praktikak XX. mendean Ihauteriz 0:15:14
4 XX. mendean gaindi: Galarrotsen ohiturak 0:07:37
5 Eliza bestak Itsasun 0:03:55
6 Bilketa etnografikoa: dantzari lotuak diren lekukotasunak 0:12:31
7 Besta Berri Itsasun 0:08:05
8 Dantza korda 0:03:11
9 Dantza jauziak 0:02:47
10 Euskal dantza gaur egun 0:12:20
CodeSyntax-ek garatua. Softwarea: Django.