Jean-Michel Harlouchet Duzunaritzeko Idiartia izeneko etxean sortu zen. Sei haurrideko familia bateko hirugarren haurra da. Bere anai-arrebak bezala, herriko eskola publikoan ibili zen 1946tik 1956ra. Han, Zertifikata erdietsi zuen 14 urtetan. 1956tik 1959ra, hiru neguz, azarotik apirilera arte, astean hiru orenez, eskolaz kanpoko laborantza klaseak hartu zituen eta haiei esker, laborantza agiria lortu ahal izan zuen. Denbora berean, familiako etxaldean lanean ari zen, eta ondotik, 1962ko urtarrilaren 3an, Versailles ondoko herri batera joan zen 18 hilabeteko soldadugoaren egitera.
Jean-Michel Idiartian plantatu zen 1963an, eta Maddi Lacroix-ekin ezkondu zen 1968an. Elkarrekin, familiako etxaldea aitzina eraman zuten eta hiru haurrideko familia hezi zuten. Jean-Michelek aitzin-erretiroa 1997an hartu zuen eta Maddik 2002an. Gaur egun, beren semea da etxaldearen buru.
1964an Euskaldun Gazterian sartu zen eta bere emaztea hor ezagutu zuen. Halaber, Jean Pitrau laborari engaiatua hor ezagutu eta haren ondoan borrokatu zen. Gertakari horiek aldaketa handia ekarri zuten bere bizian.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 419 | 419 - Jean-Michel Harlouchet | 2023-05-26 | 1:11:02 | Duzunaritze-Sarasketa | Terexa Lekumberri | |
| 2 | ABK-4 | Hergarai bizi 2023 Duzunaritze-Sarasketan | 2023-09-16 | 1:00:48 | Duzunaritze-Sarasketa | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Duzunaritzeko eskola denborako oroitzapenak. Alemaniako tenorean | 0:05:19 | |
| 2 | Laborari formakuntza. Pariseko esperientzia | 0:07:01 | |
| 3 | Laborantzako lurren berrantolaketa eta proiektuaren hastapenak | 0:04:21 | |
| 4 | Laborantzako lurren berrantolaketa: aitzin-proiektua | 0:03:08 | |
| 5 | Hergarai bizi 2023 Duzunaritze-Sarasketan: herritarrak mintzo | 1:00:48 |