Jean-Pierre Etcheverry

Sorturtea: 1930

Afiliazio herria: Heleta

1930ko maiatzaren 4an sortua da Jean-Pierre Etcheverry Heletako Antxarteta auzotegiko Garatia etxean. Sei haurrideko familia bateko gazteena da. Haren arreba bat 21 hilabetetan itorik hil da. Eskolan ibiltzen hasi aitzin, herriko seroren haurtzaindegian egon da Jean-Pierre (1935).

1936tik 1941era, herriko eskola publikoan eskolatua da (ez zen eskola pribaturik mutikoentzat). Hazparneko kolegio pribatura joan da ondotik (1941-1942) eta Lekorneko Garroako laborantza eskolara berantago (1942-1943). Eskolaldia bukatu ondoren, familiako etxaldean segitu du Jean-Pierrek, Isturitzeko Hélène Donapetryrekin 1960an, 30 urtetan ezkondu arte. Haurrik ez duen Jean-Pierreren amaren anaia eta gozaitaren Kontzolua etxean, Heraitze auzotegian plantatzen da orduan. Bi haur sortuko zaizkie bertan Jean-Pierre eta Hélèneri: Jean-Marc (1961) eta Maryvonne (1963).

Laborantzako langile gisa hasirik, etxaldeburu bilakatzen da Jean-Pierre 1972an. 1990an erretretan sartu eta emaztea 2008ko abenduan zendu ondoren, familiako etxaldean bizi da gaur egun, Jean-Marc haren seme ezkongabearekin. Betidanik herriko bizian parte hartu izan du Jean-Pierrek (Besta Berri, korala, hirugarren adineko kluba). Herriko kontseilari izan da ere 1977tik 1989ra.

Grabaketak

# Erref. Izenburua Data Iraupena Grabaketa herria Elkarrizketatzaileak
1 364 364 - Jean-Pierre Etcheverry 2019-12-09 1:17:24 Heleta Terexa Lekumberri

Pasarteak

CodeSyntax-ek garatua. Softwarea: Django.