Maite Trounday

Maite Trounday (sortzez Sallaberry) 1945ean sortu zen, Ahatsa Eiheraberria etxean. Gero familia Tafernaberria etxera joan da bizitzera, auzo berean. Ahatsan segitu du eskola, eta hamalau urterekin Zertifikata ukan du. Bere formakuntza segitu du Hendaian, etsamina prestatzaile eta bulego lanen ikasteko. 1962an, hamazazpi urterekin, Iratiko arraintegian hasi da lanean idazkaritzan. Beti jarraitu du enpresa horretan, eta arraintegiaren zuzendaria bilakatu da 1989an, erretreta hartu arte. Bere semeak hartu du arraintegiaren segida.