Jean Olharan 1933an sortu zen, bere burasoek 1931-1932an eraiki Olharanenean (gaur egungo Larzabaleko ostatua). 5 haurrideko familia batekoa zen. Lanbidez hargina zen aita, Ibarlako Zabaleta etxekoa zen. Gizon argia eta aitzindaria zen garai hartako.
Jean-ek bere haurtzaroaren zati bat (7 eta 15 urte artean), haurrik ez zuen Ainhize-Monjoloseko osaba laborari baten etxean iragan zuen. Bere lehen mailako ikasketen ziurtagiria han lortu zuen eta bere jaunartzea han ospatu zuen ere.
Ondotik, sorterrira itzuli zen harginaren lanbidea ikasteko, 1951n CAP ziurtagiria erdiesteko eta 1960an bere aitarekin plantatzeko, haren segida hartu aitzin.
1959an ezkondu zen. Bere emazteak sukaldatzeko zituen gaitasunei esker, 1961etik aitzina, lehenik Olharan burasoak lagundu ahal izan zituzten herri barneko saltegian (janari-mertzeria-gisu-zementu), eta ondotik 1969an, haien segida hartzeko aukera ukan zuten.
32 urtez hargintzan ari izan ondoren, 1983an, Jean-ek erabaki zuen bakarrik familiako saltegian aritzea.
2000 urtean, behin betiko erretiroa hartu zuen (40 urtez saltegian aritu ondoren). Aitzin, 1994an, Donibane Garaziko Garat trinketea erosi zuen.
Jean-ek hirugarren zaletasun bat aipatu digu: pilota.
Bi semeren eta alaba baten aita da.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 107 | 107 - Jean Olharan | 2011-01-11 | 1:46:03 | Larzabale-Arroze-Zibitze | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Jean Olharan : aurkezpena | 0:03:36 |