Petra Tellechea Baigorriko Arrosaenea izeneko etxean sortu zen, bere burasoak han etxetiar zirelarik ; bere aita mandazain-ikazkina zen. Zortzi haurrideko familia Bankako Kardinalea etxean plantatu zen 1938an. Petrak 7 urte zituen orduan. Bere eskolaldia Bankan hasi zuen egiazki. 13 urtetan, eskola utzi eta neskato bezala hasi zen Bankan, Baigorrin eta Bordelen, 1944a eta 1953aren artean. Bankara itzulirik, bi haur ukan zituen: Martintxo 1953an eta Marie-Christine 1955ean, urte berean bere aitarekin oihanetan lanean ari zen Ximun Ibarra-rekin ezkondu zelarik. Ximun bestalde, “Zubikoa” izengoitiz ezagutua zen bertsolaria zen. Orduan, familia Beherekoborda etxean plantatu zen. Haurrak handiturik, eta sos pixka bat ekartzeko, Petrak bere burua eskaini zuen La Rosée mediku zentroan lanean aritzeko. 1968tik 1991ra, 23 urtez bertan haur elbarrituez arduratu zen. Erretretan sarturik, Beherekoborda utzi behar izan zuen eta orduan, Bixentainian plantatu zen. Petrak bere senarra galdu zuen 1979an eta semea 1999an.
