Lucien Ruspil

Lucien Ruspil 1936ko urtarrilaren 8an sortu zen, Larzabaleko Bidegainberria etxean. Zazpi haurrideko familia batean handitu zen.

1950ean CEP ikasketa-ziurtagiria lortu eta gero, Lucien, familiako zaharrena, aitaren ofizioa ikasten hasi zen.

3 urtez arotz izateko aprendizgoa egin eta, CAP gaitasun agiria erdietsi zuen 1953an.  Bizi osoan, bere lanbidea maitatzen ikasi zuen, egiazki hautatu ez baldin bazuen ere. 

1959tik 1961era, Lucien soldadugora joan zen, eta ondotik ezkondu zen. 

Berantago,  bere burdinola herriko plazan ezarri zuen, lan eremu handiago bat ukaiteko.

Pixkanaka, bere lanbidea agertu ziren berrikuntzen arabera moldatu zuen, elektrizitatea (1955), ura (1961) eta mekanizazioa.  Oro har, lanbidearen biziaz interesatzen zen (aldizkari berezituekin, arotz  elkartze eta topaketekin).

Bestalde, Lucien-ek bi auzapez agintaldi egin zituen segidan (1981-1995).