Mekanikari FAPA lantegian
Jean Péry-ren emaztea aspertu zen senarra beti urrun izanaz (5 urte iragana zituen Urdazuri ontzi izoztailean, Marokan). Ondorioz, Jean lehorrean hasi zen lanean, lehenik sei hilabetez etxegintzan Baionan, eta gero FAPA uzinan (Senpereko bide zaharrean), beti mekanikari bezala. Fabrika horretan, kontserbategietako arrain hondarkinekin arrain iriña egiten zen, abereen (behi, xerri, etab.) elikagaitzat baliatzen zena %3 proportzioan.
Bost urte hor egon ondoan, beste bost urte pasatu zituen Senegalen, Sangomar puntan, SOPESIN lantegian, beti FAPAren kontu.
Lekukoa(k): Jean Péry
Herria: Urruña
Artxibo-funtsa(k): Pirinio Atlantikoetako artxiboak
Bilduma: Euskal itsas ondarea
Elkarrizketatzailea(k): Terexa Lekumberri
Data: 2010-09-09
Iraupena: 0:02:26
Erreferentzia: 93-27
Baionako eta Ipar Euskal Herriko artxibotegiko kodea: 18 AV 801
Eskubideak eta erabilpen baldintzak
© Pirinio Atlantikoetako Departamenduko artxiboak
Egile eskubide guziak erreserbatuak. Lekukotasun osoa Euskal kultur erakundeko egoitzan ikus daiteke (hitzordua hartuz). Baionako eta Paueko Departamendu Artxibotegietako irakurgeletan kontsultagarri izanen da ere egun batez.
Jean Péry
Jean Péry, 1933ko azaroaren 25ean sortua, Ziburun handitu da eta eskola publikoan ibili da. 1947an, 14 urtetan, zertifikata ukan ondoan, mekanikari aprendizgoa egin du lau urtez (1948-1952). Berrogeita bi urtez, arrantzan eta Itsas Armada munduan lan egin du. Itsasoan, 25 urtez mekanikari eta hozkailu-teknikaria egon da (horietan 13 urtez "Noizbait" eta "Massilia" ontzietan bai eta "Urdazuri" ontzi-izoztailean 1965tik 1970ra). Bestalde, 17 urte eta erdi lehorrean pasatu ditu, FAPA uzinan (1970-1980) ardura garrantzitsuak ukanez, bereziki Senegalera deslokalizatua izan zelarik 1979an, SOPESIN lantegian. Senegalen ibili zen ere 1982tik 1986ra "Lagunartean" kooperatibaren mekanika tailer buru bezala. 1956an ezkondua, bi seme ditu.
