Pastorala laburtuz poliki-poliki

2-3 egun irauten omen zuen pastoralak iragan aspaldian. Bere ama gazte zelarik, egun osoa, sei ordu. Laburtzen joan da eta orain hiru bat ordu irauten du. Lehen baino aktore gehiagok hartzen du parte, eta sartu-irtenetan joaten da denbora asko.

Lekukoa(k): Jean-Louis Davant

Herria: Urrüstoi-Larrabile

Artxibo-funtsa(k): Euskal Herriko Ahotsak - Ahotsak.eus

Bilduma: Iparraldeko ahotsak

Elkarrizketatzailea(k): Alex Artzelus

Data: 2011-09-09

Iraupena: 0:01:35

Erreferentzia: ULA-002-27

Badihardugu (ahotsak.eus) elkartearen artxibo-kodea: ULA-002-27

Gaia(k): Pastorala


Eskubideak eta erabilpen baldintzak

Orri honetako edukiak Creative Commons Aitortu-EzKomertziala 4.0 Nazioartekoa Baimen baten mende daude (CC BY-SA 2.0).

Baimendua zara web-orrialde honen edukiak (testuak, irudiak edo dokumentuak) partekatzeko eta eduki horietatik abiatuta lan edo eduki eratorriak egiteko. Baldintza bakarra da, beti, edukien jatorria aitortzea (CC BY-SA 2.0 - www.ahotsak.eus), eta adieraztea aldaketarik egin bada jatorrizko edukietan. Edukiak haien jatorrizko lizentzia berdinarekin erabiltzera behartua zara.

Jean-Louis Davant

Jean-Louis Davant 1935eko uztailaren 5ean sortu zen Ürrüstoi-Larrabilen, eta hango eskola publikoan ibili zen 12 urte arte. Bigarren mailako ikasketak Maulen eta Uztaritzen (batxilergoa) egin zituen, eta Angerseko jesuiten etxean ingeniari agronomo ikasketak segitu zituen (1954-1957).

Aljeriako Gerlaren ondotik (1958ko abendutik 1960ra), eta Auvernian eta Lekorneko Garroko laborantza-eskolan ikastaldi bat egin ondoan, irakasle gisa hasi zen Hazparneko laborantza-eskolan. Eskolako zuzendari izan zen 1995eko ekaina arte.

Jean-Louis Davant olerkari-idazlea da eta artikulu franko ere idatzi ditu, bereziki Argia, Egin, Euskaldunon Egunkaria, Enbata, Gara, Gazte, Herria, Maiatz eta Nabarralde agerkarietan. Saiakerak eta historia-liburuak ere idatzi ditu, bai eta pastoralak, eta horietarik zortzi 1990. eta 2015. urteen artean emanak izan dira.

Euskaltzaina da 1976az geroztik.

Beste batzuekin Enbata aldizkaria sortu zuen (1963) eta EHAS (Euskal Herriko Alderdi Sozialista) 1975ean.

Zuberoako kulturaren aditu trebea da, eta Euskal Herriko pertsonalitate bat. Joana Davant haren emaztea ere filmatua izan zen 2008an, Eleketa bilketa etnografikoaren karietara (ikus 12AV274-297).

CodeSyntax-ek garatua. Softwarea: Django.