Estudiantina Donibandarrak-en serenatak

Lekukoa(k): Albert Kaempf

Herria: Ziburu

Artxibo-funtsa(k): Donibane Lohizuneko herriko etxeko artxiboak

Bilduma: Donibane Lohizuneko memorio kolektiboa

Elkarrizketatzailea(k): Xan Aire

Data: 2012-07-20

Iraupena: 0:08:43

Erreferentzia: DL-12-17

Donibane Lohizuneko herriko etxeko kodea: 1AV304

Gaia(k): Besta giroa, Kantua eta musika, Anekdotak, kontakizunak


Eskubideak eta erabilpen baldintzak

© Donibane Lohizuneko herriko etxea

Albert Kaempf

Albert Kaempf 1921eko martxoaren 31n sortu zen, Itsasun. Bere familia jatorriz Alsaziakoa zen.

Aitaren aldeko aitatxi alsaziarra zen. 1870eko gerlaren ondotik, frantziar nazionalitatea hartzea erabaki zuen. Baionan instalatu zen eta 49. erregimentuan soldadu egon zen. Kantiniersa batekin ezkondu zen. Ezkontza horretarik zazpi haur sortu ziren (4 neska eta 3 mutiko; horietarik bi I. mundu gerlan hil ziren).

Alberten aita Ezpeletan sortu zen. Guarda izan zen. Euskalduna zen. Bi urtez Itsasun bizi izan ondoan, 5-6 urtez familia Azkaingo Oleta auzoan finkatu zen. 4 urte zituelarik, Alberti ama hil zitzaion. Berantago, aita beste emakume batekin ezkondu zen. 

Albert lehenik Oletako eskolan ibili zen (lagunekin euskaraz mintzo zen) eta gero Donibane Lohizunen. Irakasle bilakatzeko, Lescar hiriko eskola normalean formatu zen. Landibarren, Donibane Lohizunen, Getarian, Ziburun eta Zuraiden irakasle izan zen. Pariseko Kirolen institutu nazionalean bost urteko formakuntza egin ondotik, kirol heziketa irakaslea izan zen. 

Paregabeko kirolaria izan zen Albert. Pilotan unibertsitateko txapelduna izan zen. Errugbian nazioarteko jokalaria izan zen. XVeko eta XIIIko errugbian, Frantziako selekzioarekin ari izan zen. Jean Dauger jokalari ospetsuarekin jokatu zuen. 

1. mundu gerla garaian, Derrigorrezko Lan Zerbitzuaren karietara bi urtez Alemanian errekisizionatua izan zen. 1945eko otsailaren 6an, Berlinen bonbardaketa gertatu zelarik, Albert Alemaniako hiriburuan zen. 

Haurtzaroaz geroztik, musika anitz maite du. Harmonika, txistua eta akordeoia jo eta gero, gitarra lehenetsi zuen. Gerlaren ondotik, Donibane Lohizuneko Estudiantina Donibandarrak musika eskolaren zuzendaritza hartu zuen. 50 urtez, mandolina eta gitarra irakatsiz, bere zaletasuna transmititu zuen. 1996an, José Arrizabalagak bere segida hartu zuen.

Egun, hanka protesi txar batengatik elbarritua da eta beraz joan-etorri guti egin ditzake. Bere emaztearekin Estudiantinako grabaketak entzuten ditu. 

CodeSyntax-ek garatua. Softwarea: Django.