Itsas sozial zerbitzua: permanentziak eta etxez etxeko bisitak
Gizarte zerbitzuko bulegoak Tourasse karrikatik Ziburuko "Pêcheurs de France" kontserbategira joan ziren. Gizarte-laguntzaileek (Biarritzeko Etcheverry ahizpak) bulego bat bazeukaten eta Kattalinek, eritegi bat, jendea goizeko 8 :00etatik 10 :00etara errezebitzeko. Horrez gain, Kattalin etxeetara joaten zen (jai egunik ez zeukan): familiek harrera ona eskaintzen zioten, mariñel alaba zelako eta euskara zekielako.
Lekukoa(k): Kattalin Salha
Herria: Donibane Lohizune
Artxibo-funtsa(k): Pirinio Atlantikoetako artxiboak
Bilduma: Euskal itsas ondarea
Elkarrizketatzailea(k): Terexa Lekumberri
Data: 2010-06-15
Iraupena: 0:01:31
Erreferentzia: 87-20
Baionako eta Ipar Euskal Herriko artxibotegiko kodea: 18 AV 501
Gaia(k): Lan-tresnak eta azpiegiturak, Arrantzaleen erizaina
Eskubideak eta erabilpen baldintzak
© Pirinio Atlantikoetako Departamenduko artxiboak
Egile eskubide guziak erreserbatuak. Lekukotasun osoa Euskal kultur erakundeko egoitzan ikus daiteke (hitzordua hartuz). Baionako eta Paueko Departamendu Artxibotegietako irakurgeletan kontsultagarri izanen da ere egun batez.
Kattalin Salha
Kattalin Salha ezkontzaz Iribarren 1916eko urtarrilaren 31n Donibane Lohizunen sortua da. Amak San Gomar hotela atxikitzen zuen, aita Itsas Merkataritzan zebilelarik. Kattalinek ez zuen hotelaren segida hartu nahi. Erizain ikasketak segitu ditu Bordelen, 16 urtetan Akizen "brebeta" pasatu ondoan (1932an), eta bi urte geroago Kurutze Gorriaren diploma ukan ondoan. 1939-1945ko gerlan, erizain bezala mobilizatua izan zen. 1947an ezkondu zen. Erizain izan zen Darricau klinikan Donibane Lohizunen, eta gero Itsas Armadako sozial zerbitzuan 1971 arte. Arrantzaleen zerbitzuko pasa duen garai horrek hunkitu du bereziki Kattalin. Dakarrera erizain bezala bi kanpainia egin ditu. 94 urtetan militante segitzen zuen "Itsas Misioa" eliz zerbitzuan.
Kattalin Salha 2016an zendu zen.
