Ontzi pelagiko eta bolintxeroen arteko kataskak

Donibane Lohizunen, 1976an, "Itsasoan" kooperatibak eraikitako (1976) hiru ontzi pelagikoak arrantzan abiatu ziren. Ondorioz, bolintxeroekin kataska sortu zen eta hortik lekutu ziren: bi La Rochellera eta bat Sables d'Olonnera. Giroa han ere mindu baitzen, Hendaiara etorri ziren. Onartuak izanik, hondoko arrantza mota hori garatu eta indartu zen.

Lekukoa(k): Jean-Baptiste Garat

Herria: Hendaia

Artxibo-funtsa(k): Pirinio Atlantikoetako artxiboak

Bilduma: Euskal itsas ondarea

Elkarrizketatzailea(k): Terexa Lekumberri

Data: 2010-09-21

Iraupena: 0:02:41

Erreferentzia: 95-11

Baionako eta Ipar Euskal Herriko artxibotegiko kodea: 18AV678

Gaia(k): Arrantza teknikak, Pelagikoa, Patroi, Arrantzaleak


Eskubideak eta erabilpen baldintzak

© Pirinio Atlantikoetako Departamenduko artxiboak

Egile eskubide guziak erreserbatuak. Lekukotasun osoa Euskal kultur erakundeko egoitzan ikus daiteke (hitzordua hartuz). Baionako eta Paueko Departamendu Artxibotegietako irakurgeletan kontsultagarri izanen da ere egun batez. 

Jean-Baptiste Garat

Jean-Baptiste Garat Luhuson sortua da, 1928ko azaroaren 15ean. Lau haurridetan zaharrena zen. 1945ean,familia Hendaiara etorri ziren bizitzera. Aita, Luhusoko meategietako langile zena, etxetiar bilakatu zen "Bordaberria" etxean, eta hiru urte beranduago "Asporroz" etxaldean. Jean-Baptiste 1952an ezkondu zen "Asporozberria"ko alabarekin. Autobus gidari izan ondoan (1952-1957), arrantzale mekanikari bezala hasi da "Robert-Michel II" ontzian, ofizioa askoz hobekiago pagatua baitzen. 1959n, Jean-Baptistek Florenzio Canpandeguyrekin lehen ontzia erosten du, bizpahiru urte guziz aldatuko dutena, 1978 arte. Hogeita bi urtez, Jean-Baptiste mekanikari izanen da eta Florenzio patroi.Abentura hori bukatzen denean, Jean-Baptistek segitzen du "Hendaiako Izarra"-n 1983a arte eta gero arraste-ontzi pelagiko jabe bezala. Erretreta hartzen du 1985ean baina luzaz atxikiko ditu errespontsabilitateak arrantza munduan. Hendaiako portuaren garapena zor diogu.

CodeSyntax-ek garatua. Softwarea: Django.