Aña Bayle

Aña Bayle eta Élisabeth Dalgarrondo bi ahizpak Lakarriko Errekondoa izeneko etxean sortu ziren, Bostmendietako bidean, zazpi haurrideko familia batean (bi mutiko, bost neska). 

Beren eskolaldia herriko eskolan hasi zuten, maiztasun handiago ala ttikiagoarekin. Familia Urdiñarben plantatu zelarik, Garindaineko eskolan ibili ziren 14 urte arte. Ondotik etxe barneko lanak egiten ikasteko klaseak hartu zituzten 16 urte arte, hiru aste lan eta aste bat teoria aldizkatuz. 

Aña langileen munduan sartu zen 1959an: lehenik larru apaintzale bezala Maule behereko Giraudier enpresan. Ehun bat langilek Luxor markako oinetakoak egiten zituzten hor. 18 urtetan, sasoin bat egin zuen Lurdan. Ondoko neguan, Camgrand-ek kudeatu lantegian hasi zen, baina laster utzi zuen lansari hobea eskaintzen zuen Bidegain enpresara joateko. Han zazpi urtez egon zen. Zenbait urtez bere haurrak hazten aritu ondoan, Aña zazpi urtez zerbitzu langile bilakatu zen (menaiu atxikitzaile eta sukaldari-laguntzaile) haurrei zuzendu Esperantza zentro berezituan. Hura hetsi zelarik, hogeita bi urtez denbora erdiz lan egin zuen Jeztazeko De Menditte familiaren zerbitzuko.  Bere senarrak bizi guzian lan egin zuen espartin eta zapatagintzan, lau urtez Elissabideren etxean (Bomba), hogei urtez Giraudier-en etxean eta azkenik Etchandy enpresan. 

Horrela, Aña eta Elisabeth-en familiek egokitzen jakin zuten eta beren bizi eremuan enplegu gutti izanik ere, espartingintzaz baliatzen jakin zuten.