Maijan Etchart

Marie-Jeanne “Maijan” deiturikoa, 1942an sortu zen Pagolako Oihanburia etxean. Hamabi haurrideko familia batean handitu da, eta horietatik zazpigarrena da. Lehen mailako ikasketen ziurtagiria 1956an lortu eta Pagolan, Donapaleun eta Salies-en sehi bezala lan egin zuen. 1958an Lourdes-era joan zen, eta han enplegatua izan zen, 1969an sorterrira itzuli zen arte. Ezkondua eta bi haurren ama, beste lau haur sortu ziren Oihanburian, Maijanek eta Pierrek gogorki lan eginez hazi dituztenak. 1992an, Pierre gaixotasun profesionalean zelarik, Maijan GAECan ezarri zen Jean-Luc semearekin. Ordutik aitzina, laborari-laguntzaile bilakatu zen, 1997an erretiratu zen arte.