Marie-Hélène Baradat

Marie-Hélène Baradat 1954an sortu zen, Marokon (Casablanca). Baigorriko Elisabeth Harignordoquy zuen ama, eta Paul Baradat, jatorriz Biarnesa, aita. Anaia zaharragoa bazuen, bera baino bost urte zaharragoa (1949).

Bigarrena arte, Casablancan ikasten segitu zuen.

Frantziara itzulirik, familia Tolosa Okzitanian plantatu zen, 1968an. Unibertsitate-ikasketak egin ondotik (1968-1972), Marie-Hélène Tolosako ingeniari agronomoen eskolan sartu zen (frantsesez: ENSA) (1972-1976), ondotik, Versaillesko Baratzezaintzako Goi Eskola Nazionalean espezializazio bat erdietsi zuen (1976-1978), eta, gero, ingurumen- eta paisaia-gaietarako ikerketa-bulegoa ireki zuen, Tolosan (1978-1984). Bere lan ibilbidea Laborantza Ministerioaren zerbitzuan segitu eta bururatu zuen: lehenik Agronomia Formakuntzako Eskola Nazionalean (frantsesez: ENFA), laborantza lizeoetan izendatu irakasleen formatzaile gisa, gero zuzendari gisa (1984-2016) eta, bururatzeko, Laborantzako Ikuskari Nagusi gisa (2016/2019).

Bere lan ibilbidean, bere irakasle ikertzaile estatutuak hezkuntzaren soziologian trebatzera eta doktoretza pasatzera eraman zuen. Haren lanak eskola eremuko lanbide heziketari eta lanbide gaitasunen ikasketari buruzkoak dira.

Marie-Hélènek 2019an hartu zuen erretreta.

1979ko abenduaren 1.ean Michel Bouillier-Oudot-ekin ezkondurik, bi seme-alaba baditu, 1981ean eta 1984an sortuak.

Giza zientzietan trebaturik, bere izeba den Mayie Harignordoquyren artxiboak aztertu ditu (gizarte-laguntzaile Baigorriko ibarrean, 1953tik 1973ra), eta lekukotasuna ematea erabaki du. Alabaina, Baigorriko bizilagun batek emazte horrekin elkartzea kontseilatu zion ikertzaileari. Emazte hori Mayie Harignordoquyren iloba da, eta haren artxibo profesional guztiak atxiki ditu.