Martin Darguy Itsasuko Domingoenea etxean sortu zen 1936ko apirilaren 6an. 17 haurrideko familia bateko 11. zen. Bere ama zendu zen Martin Luhusoko eiheran lanean ari zelarik. Alabaina, Luhusoko eskola publikoan ibili ondoan (1942-1948), eta 12 urterekin fede aitormena egin eta, Luhusoko eiheran mutil bezala lanean hasi zen, eta han egon zen 16-17 urte bete arte, Ariège departamenduko oihanetan lan egitera joandako Petri anaiaren ordez.
1952 urte inguruan, etxean plantatu zen bere aita laguntzeko, beste bi anaia Petriren gana joan baitziren Ariège departamendura. Denbora berean, Luhusoko harrixuri edo lurxuri harrobian hasi zen lanean. Martinek gaitasun anitz bazituen: ondoko herrietako harrobietan ere lanean aritu zen, hala nola Lekornen eta Donoztirin, bai eta Luhusoko fabrikan ere, harrixuri zakuak kamoietan kargatzen.
Lan hortaz asperturik, 1955etik goiti, maiasturu formakuntza bat egiten hasi zen Baionako CFA helduendako formakuntza zentroan. 40 urtez lan hortan aritu zen ondoren, 1996an 60 urteetan erretreta hartu arte. Martin 1958ko maiatzaren 21ean ezkondu zen Maddi zenarekin. Lau haur ukan zituzten, 1961, 1962, 1964 eta 1968an sortuak.
2023ko otsailean zendu zen.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 399 | 399 - Martin Darguy | 2021-11-25 | 0:46:20 | Itsasu | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Mutil Luhusoko Xurrupea eiheran | 0:02:59 | |
| 2 | Gaitasun anitzeko langilea Luhusoko harrobian | 0:05:56 | |
| 3 | Donoztiriko, Lekorneko, Makeako eta Heletako beste harrobiak | 0:02:03 | |
| 4 | Luhusoko lantegia | 0:04:45 | |
| 5 | Aisialdiak eta dantza Luhuson eta Itsasun | 0:04:45 | |
| 6 | Emazteei egin bortizkeriei buruzko kantu xaharra | 0:02:51 |
Pasarte muntaketak
| # | Izenburua | Iraupena | |
|---|---|---|---|
| 1 | Luhuso lur xuriaren garaian | 0:42:12 |