Pierre Laxague

Sorturtea: 1953

Afiliazio herria: Azkarate

Pierre Laxague, 1953an Azkarateko Apelxenia etxean sortua, lau harrideko familia bateko zaharrena da (hiru arreba gazteago). 

Azkarateko eskola publikoan ibili ondotik (1958-1964), Donibane Garaziko Mayorga lizeo pribatura doa (1964-1968) eta, ondotik, Frantsesenea laborantzako irakaskuntza zentrora  (1968-1970, Donazaharreko Sala gazteluan) Laborantzako Lanbide Brebeta (BPA/LLB) lortzeko. 

17 urtetan (1970), familiako laguntzaile bezala plantatzen da familiako etxaldean eta laster aitzinekoaren lekua hartzen duen mahasti berri bat landatzen du bertan (1 ha 70). Garai hartan, Apelxenia behi esnedunekin eta neguan artzain bati bazkalekuak alokatuz ibiltzen da. Hamar urte berantago, bi hektarea berri landatzen ditu Pierrek, eta ondotik, beste bi 1985ean.  7 hektarea mahasti eta behi haragidunak lantzen ditu gaur egun familiako etxaldeak (1986tik).  

1955ean hasi da bere  mahaskak, Minjonnet kolonelak, Alexandre Bergouignanek, Batita Hillauk eta beste batzuek sortu Irulegiko soto kooperatibari saltzen.

1977an, Pierrek bere aitaren segida hartzen du 41 urte berantago utziko duen sotoko administrazio kontseiluan, 11 urtez honen lehendakari izan ondotik (2007-2018).

Haren lekukotasunaren bitartez, Irulegiko soto kooperatibak sortu denetik gaur egun arte ezagutu dituen bilakaeraren etapa handiak aipatzen ditu (Kalitate Goreneko Arno Mugatua (VDQS) labela eta Jatorri Deitura Kontrolatuaren (AOC) lortzea, berrikuntza teknikoak). 

Annie Falxarekin 1979an ezkondu eta bi alaba ditu Pierrek: Maitena (1982) eta Miren (1988). Pierrek erretreta 2018an hartu ondotik, Mirenek segida ofizialki denbora gutira hartuko du.  

Grabaketak

# Erref. Izenburua Data Iraupena Grabaketa herria Elkarrizketatzaileak
1 377 377 - Pierre Laxague 2021-01-19 0:50:07 Azkarate Terexa Lekumberri

Pasarteak

# Izenburua Iraupena
1 Aurkezpena. Mahasti inguruko mendien izenak. 0:03:19
CodeSyntax-ek garatua. Softwarea: Django.