Pierre Sabarots Luhusoko Idiartia etxean sortu zen 1938ko ekainean. Etxetiar familia bateko sei haurridetarik laugarrena da.
Eskolaldia zazpi urteetan hasi zuen Luhusoko eskola publikoan eta 14 urte bete ondoan utzi zuen. Eskuko diru pixka bat irabazteko, urte batez han-hemenka jornaltiar bezala lanean aritu zen.
Ondoren, lehenik Makeako Eiheraldia eta gero Zuhaztia etxaldeetan mutil bezala aritu zen, 1956an lur zuri enpresan sartu aitzin. Hartan 10 urte iragan ondoan, 1966ko urte bukaeran 6 hilabeteko formakuntza bat hasi zuen zurgintzan Baionako Saint-Bernard zentroan.
Ondotik, lanbide hortan aritu zen Jatsuko nagusi baten kontura, eta 1971tik goiti, erretretan sartu zen aitaren baserri alokairuaren segida hartu zuen.
1972an, bere sortetxea jabeei erosi eta hogei urtez, denbora berean zurgin eta laborari izan zen.
1996an zurgintzatik erretiratu zen eta 2000.ean laborantzatik. Handik goiti, iloba batek hartu zuen familako etxaldearen ardura.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 444 | 444 - Pierre Sabarots | 2024-11-25 | 1:11:26 | Luhuso | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Soldadu Alemanak Luhuson, 1939-1945 | 0:02:22 | |
| 2 | Mutil Makean 1954tik 1956rat. Elkarrizketa bere aitarekin. | 0:07:51 | |
| 3 | Langileen arteko arno turnada | 0:05:17 |