Pierrot Prédaigne 1948an sortu zen Olizetxerria etxean. Bi arreba gazte ditu, gaur egun erretiratuak direnak. 5 urterekin, Pierrot herriko eskola publikoan ibili zen. Ondotik, Donapaleuko Etchecopar eskolan ibili zen, eta han, lehen mailako CEP ziurtagiria lortu zuen 14 urterekin. Gero, laborantza ikasketetak egin zituen Donapaleuko Garikoitzenean. Hor, BAA eta BPA agiriak erdietsi zituen 1965ean. 17 urtetan, aldizka familiako etxaldean eta ofizioa erakutsi zion Larzabaleko hargin batekin lanean ari zen. 1976ko uztailaren 31n ezkondu zen eta urte berean laborari gisa plantatu zen. Bere emaztearekin, hiru seme-alaba ukan dituzte 1976, 1978 eta 1986an. Hastapenean ttipia zen etxaldea handitzea lortu zuten ere. Pierrot Euskal Herriko Laborarien Batasuna sindikatuan, Euskal Herriko Esne Kooperatiban, eta bere herriko kontseiluan (1986tik 2010era) engaiatu zen ere.
